Անհիմն, շինծու գործ է թխվել. Սամվել Ֆարմանյանը քրոջ դեմ հարուցված քրեական գործի մասին
ԱԺ-ում այսօր՝ օգոստոսի 28-ին հրավիրված արտահերթ նիստում ՀՀԿ խմբակցության պատգամավոր Սամվել Ֆարմանյանը անդրադարձավ քրոջ՝ Շիրակի նախկին պրոռեկտոր Անահիտ Ֆարմանյանի դեմ հարուցված քրեական գործին։
Նա, մասնավորապես, հայտարարեց. «Իմ քրոջ դեմ հարուցված քրեական գործն ակնհայտորեն առնչվում է ինձ՝ որպես ԱԺ պատգամավորի»։
Պատգամավորը վրդովմունք հայտնեց գործի առնչությամբ՝ շեշտելով՝ «փաստաբանների կողմից համապարփակ տեղեկատվություն է ներկայացվել, որը մեկ անգամ եւս ապացուցում է, որ քրեադատավարական օրենքների կոպտագույն խախտմամբ անհիմն, շինծու գործ է թխվել»:
Նա հավելեց նաեւ, որ այս գործողությունը չի կարող մնալ անպատասխան։
Ֆարմանյանի հայտարարությանը վարման կարգով արձագանքեց ՔՊ անդամ, «Ելք» խմբակցության պատգամավոր Ալեն Սիմոնյանը՝ ասելով. «Քրեական գործեր որեւիցե մեկի հանդեպ չեն հարուցվում առանց փաստերի, չի հարուցվում որեւէ մեկի նախաձեռնությամբ, պետք է մեկընդմիշտ հաշվի առնել դա»։
Հիշեցենք, որ Շիրակի պետական համալսարանի նախկին պրոռեկտոր Անահիտ Ֆարմանյանը մեղադրվում է խարդախության մեջ: Դատարանը նրա նկատմամբ խափանման միջոց է ընտրել կալանավորումն ու հայտարարել հետախուզում:
Անահիտ Ֆարմանյանը հայտարարություն էր տարածել եւ հայտնել, որ իր նկատմամբ առաջադրված մեղադրանքի պատճառը ազգանունն է՝ ԱԺ պատգամավոր Սամվել Ֆարմանյանի քույրը լինելու հանգամանքը։
Անահիտ Ֆարմանյանի պաշտպաններն էլ հավաստիացրել են, որ նա չի խուսափում վարույթն իրականացնող մարմնից, նա գտնվում է ամենամյա արձակուրդում։ «Վարույթն իրականացնող մարմինը Անահիտ Ֆարմանյանի հետ կապի մեջ է եղել փաստաբանի միջոցով։ Անահիտ Ֆարմանյանը մինչեւ արձակուրդը չի հրավիրվել մասնակցելու դատավարական գործողությունների եւ չի ունեցել որեւէ կարգավիճակ։ Ես անձամբ դեռեւս հուլիսի 19-ին տեղեկացրել եմ քննիչին, որ պատրաստ ենք մասնակցել դատավարական գործընթացին»,–հայտարարել է Անահիտ Ֆարմանյանի պաշտպան Նարեկ Ալոյանը։
ՌԴ պետական ռեեստրում Նարեկ Կարապետյանը նշված է որպես ՌԴ քաղաքացի
Շակիրան Իսպանիայի կառավարությունից 55 միլիոն եվրո հարկային վերադարձ է ստացել
Տարածքային զիջումներից Զելենսկու հրաժարվելու պատճառով բանակցությունները փակուղի են մտել. Պենտագոն
Հրաժեշտի հանդիսավոր արարողություն ֆրանսիացի հարձակվող Անտուան Գրիզմանի համար
Ադրբեջանը անկեղծ շահագրգռված է Հայաստանի հետ հակամարտության դադերցմամբ. Բայրամով
Մասիսում հրդեհի հետևանքով կան զnհեր ու վիրավորներ
ՇՎՏՄ-ն հորդորում է նշված լցակայանների ցանցից չօգտվել
Գումար` հանրահավաքին մասնակցելու համար
Ուշադրության կենտրոնում է ՀՀ-ԵՄ վիզաների ազատականացումը
Դեսպան Մկրտչյանը ԱՄՆ Կոնգրեսում մասնակցել է ընտանիքների բարօրությանը նվիրված միջոցառմանը