Ջրային կոմիտեի պատվիրակությունը մասնակցել է «ԵՄ-ն՝ հանուն կանաչ վերականգնման» համաժողովին
Հուլիսի 1-2-ը ՀՀ ՏԿԵՆ Ջրային կոմիտեի նախագահի տեղակալ Նվարդ Վարդանյանը Փարիզում մասնակցել է «ԵՄ-ն՝ հանուն կանաչ վերականգնման» ծրագրի ղեկավար հանձնախմբի տարածաշրջանային համաժողովին, ինչպես նաև համաժողովի շրջանակում կազմակերպված՝ ջրերում նորահայտ աղտոտիչների, գետավազանային կառավարման և պլանավորման թեմաներով աշխատաժողովներին։
Համաժողովում Նվարդ Վարդանյանը հանդես է եկել ելույթով՝ ներկայացնելով ծրագրի շրջանակում գրանցված առաջընթացը և նախանշելով Ջրային կոմիտեի ակնկալիքները։ ՋԿ նախագահի տեղակալը մասնավորապես, ընդգծել է ԵՄ քաղաքային կեղտաջրերի մաքրման դիրեկտիվին մոտարկման, ինչպես նաև ոռոգման ջրի վճարների և Ջրօգտագործողների ընկերություններին (ՋՕԸ) տրամադրվող սուբսիդիաների համակարգի բարեփոխման վերաբերյալ ուսումնասիրության կարևորությունը։
Վարդանյանը նաև մասնակցել է Ֆրանսիայի Արտուա-Պիկարդի գետավազանային խորհրդում կազմակերպված քննարկումներին, որոնց ընթացքում, ի թիվս այլ թեմաների, ներկայացվել է ֆրանսիական կողմի փորձը ոռոգման, խմելու ջրամատակարարման և ջրահեռացման, ինչպես նաև կեղտաջրերի մաքրման ոլորտներում՝ հաշվի առնելով ոլորտը կարգավորող ԵՄ առանցքային ջրային դիրեկտիվները՝ Ջրի շրջանակային դիրեկտիվը, Քաղաքային կեղտաջրերի մաքրման դիրեկտիվը, Նիտրատների դիրեկտիվը և Խմելու ջրի դիրեկտիվը։
Համաժողովի շրջանակում տեղի են ունեցել նաև երկկողմ հանդիպումներ, որոնց ընթացքում քննարկվել են ծրագրի հետագա իրականացումը և Հայաստանի ջրային ոլորտին տրամադրվող աջակցության շարունակականության ապահովման հարցերը։
Մեռելոց օրերը կամրագրվեն օրենքով սահմանված տոների և հիշատակի օրերի ցանկում, իսկ ոչ աշխատանքային լինե...
Առաջին դասարանցիների առցանց ընդունելությունը՝ նոր կանոններ, նոր մարտահրավերներ
Ես քաղաքականությունից չեմ հեռանալու, քաղաքականության էջը չեմ փակում. Ալեն Սիմոնյան
Մահացել է ՀՀ վաստակավոր արտիստ Արտաշես Ալեքսանյանը
Ճապոնիայի վարչապետն այցելել է Հնդկաստան
Ինչո՞ւ է շոգին գլխացավն ավելի հաճախ լինում․ բժիշկը ներկայացնում է հիմնական պատճառներն ու խորհուրդներ...
«Ուժեղ Հայաստան»-ը կվերցնի մանդատները և կգնա Ազգային ժողով
Ուկրաինան հարվածել է Ռուսաստանի վերջին խոշոր նավթավերամշակման գործարանին
Անահիտ Ավանեսյանը Ստամբուլում մասնակցում է առողջապահական համակարգերի պատրաստվածությանը նվիրված համաժ...
Ռուբինյանը հայտարարել է, որ «Ուժեղ Հայաստան»-ը կօգտագործի մանդատները՝ փորձելով խուսափել արդարադատութ...