Ներկայացված Սահմանադրության նոր տեքստում ներածությունը չկա, Անկախության հռչակագրին հղումն այնտեղ է. Գալյան

«Այս պահին ներկայացված Սահմանադրության տեքստում ներածությունը չկա առհասարակ, իսկ Անկախության հռչակագրին հղումը ներածության մեջ է»: Այս մասին խորհրդարանական ճեպազրույցի ժամանակ ասել է արդարադատության նախարար Սրբուհի Գալյանը՝ անդրադառնալով հարցին, թե Հռչակագրի մասը Սահմանադրության նոր տեքստից հանվե՞լ է:

Հիմա վարչությունում և խմբակցությունում են քննարկումները շարունակվում: Սահմանադրությունը պարզ օրինագիծ չէ, դա մեր պետության իրավական հիմքն է, և մեկ քննարկումով, վստահաբար, չենք կարող ամփոփել մեր մտքերը»,- ասել է նա:

«Հանրաքվե նշանակված չէ, ոչնչից չենք ուշանում այս պահին: Մեր մեծագույն ցանկությունն է տալ հանրությանը բավարար ժամանակ՝ ծանոթանալու տեքստին և բավարար ժամանակ՝ տեքստին ծանոթ լինելով կատարել ճիշտ ընտրություն»,- ասել է նա: