Երեւանում բնակարանների վաճառքը նոր ռեկորդ է սահմանել
Պաշտոնական տվյալների համաձայն՝ սեպտեմբերին Հայաստանում բնակարանների վաճառքը նոր ռեկորդ է սահմանել։ Այսպես՝ առքուվաճառքի գործարքների թիվը մայրաքաղաքում մեծացել է 37,7 տոկոսով, իսկ մյուս քաղաքներում՝ 25․9։
Ինչ վերաբերում է գների դինամիկային, այստեղ միասնական պատկեր չկա։ 47 քաղաքներից 29-ում գները նվազել են, բարձրացել են 12-ում, իսկ 6 քաղաքում նույնն են մնացել։
Այստեղ պետք է հաշվի առնել անշարժ գույքի կադաստրի միջին շուկայական գների հաշվարկի մի նրբություն։ Եթե հաշվետու ժամանակահատվածում բնակարանի առքուվաճառքի գործարքներ չեն եղել, ապա որպես հիմք են վերցվում առաջարկի գները։ Հասկանալի է, որ դինամիկությամբ փոքր քաղաքների բնակարանային շուկան զիջում է խոշոր քաղաքներին, հատկապես, մայրաքաղաքին։ Օրինակ՝ Դաստակերտ փոքր քաղաքում բնակարան իրացնելը շատ բարդ խնդիր է։ Այնպես որ պաշտոնական տվյալներում քիչ չեն ոչ իրական գները, դա պարզապես առաջարկի գինն է։
Մայրաքաղաքում, այդ նույն պաշտոնական տվյալներով, մեկ տարում 1 քառ/մ-ի համար շուկայական գները բոլոր վարչական շրջաններում նվազել են, Կենտրոնից բացի։ Ընդ որում, գների անկման դիապազոնը տատանվում էր 1 տոկոսից մինչեւ 9․7 տոկոսի սահմաններում։ Կենտրոն թաղամասում գները մեկ տարում աճել են 5,7 տոկոսով։ Հնարավոր է, որ դա պայմանավորված է ոչ թե կոնկրետ բնակարանի գների աճով, այլ վաճառքի կառուցվածքում թանկարժեք բնակարանների բաժնի մեծացմամբ։ Օրինակ՝ նորակառույցներում, այսինքն՝ նախնական շուկայում։
Ստորեւ աղյուսակը ներկայացնում է մայրաքաղաքի շրջաններում բնակարանների գնի դինամիկան 2014-2017թթ․։ Ընդ որում, դոլարով կատարված հաշվարկում օգտագործվել են պաշտոնական հրապարակումներում ներկայացված բնակարանի 1 քառ/մ-ի դիաց միջին շուկայական գները։
Բնակարանների գինը հաշվարկված է դրանց միջին մակերեսի հիման վրա մայրաքաղաքի թաղամասերի կտրվածքով։ Նշենք, որ այդ ցուցանիշով տարբերությունը մեծ է։ Օրինակ՝ Կենտրոնում բնակարանի միջին մակերեսը հասնում է մոտ 75 քառ/մ-ի։ Արդյունքում Շենգավիթում գրանցվել է քաղաքում ամենափոքր ցուցանիշը՝ մոտ 54 քառ/մ։ Դրա հետեւանքով բնակարանների գների միջեւ հարաբերակցությունը մեծանում է։ Այսպես՝ եթե քառակուսի մետրի գնով Շեգավիթը զիջում է Կենտրոնին 1․9 անգամ, ապա միջին մակերեսի գնով՝ արդեն 2․6 անգամ։
Հասկանալի է, որ ԱՄՆ դոլարով ցուցանիշների դինամիկան ազդում է այդ արժույթի փոխարժեքի վրա։ Դա երեւում է Կենտրոնի օրինակով։ 2013-2015թթ․ սեպտեմբերին «քառակուսու» միջին գինը նշված շրջանում չի փոխվել՝ մնալով 428 հազար դրամի սահմաններում։ Սակայն դոլարն այդ նույն ժամանակահատվածում 16 տոկոսով կայունացրել է իր դիրքերը։ Արդյունքում միջին մակերեսով բնակարանը այդ թաղամասում «էժանացել է» 11 հազար դոլարով։
Մենք միանգամայն արժանիորեն դուրս եկանք հաջորդ փուլ
Մյունխենի կենտրոնում կառուցվել է փայտից պատրաստված հնգահարկ մանկապարտեզ
Ուրումչիի մշակութային ուղին. Գրանդ բազար
Գանսուի թռչող ձին. չինական նահանգի հնագույն ժառանգություն
Երևանը կդառնա ժամանակակից երաժշտության և արվեստի միջազգային կենտրոն
Գետերի վարարումների ժամանակ առաջացած ավելցուկային ջուրը որոշ դեպքերում անհատույց կտրամադրվի ոռոգման ...
ԿԳՄՍՆ-ն՝ ի գիտություն «Սևանի շուրջը» սիրողական հեծանվային արշավին մասնակցությամբ հետաքրքրվողների
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
Կարլոս Էսպին պայմանագիր է կնքել «Ռեալ Մադրիդի» հետ
Մնացական Սաֆարյանն ու Պորտուգալիայի նորանշանակ դեսպանը քննարկել են երկկողմ համագործակցության օրակարգ...