Ապացուցելու եմ, թե ում գարաժից է դա եւ ում է պատկանում. «Իգլայի» գործով ցուցմունք տվեց Սամվել Բաբայանը
Սամվել Բաբայանի եւ մյուսների գործով դատական նիստին այսօր՝ հոկտեմբերի 30–ին, իր ցուցունքում Սամվել Բաբայանը նշեց, որ որեւիցե առնչություն չունի «Իգլայի» հետ։ Նա նշեց, որ մարտի 18-ին իր մոտ է գնացել գործով ամբաստանյալ Սանասար Գաբրիելյանը, ցույց տվել պլանշետում առկա «Իգլայի» խողովակի լուսանկարը եւ հարցրել՝ ինչ վիճակում է այն, հնարավոր է, որ պետք գա բանակին։ Սամվել Բաբայանը նշել է, որ դա ամբողջական չէ, ընդամենը «տրուբա» է, կարեւոր մասնիկը բացակայում է։
«Ինքը լուսանկարը ցույց է տվել ինձ, որովհետեւ գիտի, որ ես հասկանում եմ։ Իրեն ասել եմ, որ լիարժեք չէ, ընդամնեը մեկ հատն է երեք հատից, բացակայում է կարեւոր մասնիկը։ Հարցրեց՝ հնարավոր է՝ բանակին պետք գա, ես էլ ասել եմ՝ կարող ա։ Բայց զգուշացրել եմ, որ, եթե դա իր մոտ տեսնեն, հնարավոր է՝ քրեական գործ հարուցեն, թող ինչ-որ «թեւավոր» սպայի տա, նա էլ փոխանցի բանակին։ Բացի դա, էդ մի խողովակը չէր կարող լինել 40 հազար, եթե ամբողջ համալիրը կարելի է ձեռքբերել 15 հազարի։ Ես դրդել եմ, որ այդ գործարքը չինի, հիմա դուք ինձ դատում եք դրա համար»,-ասաց նա։
Դատախազի հարցին՝ արդյոք իմացել է, որ «Իգլան» Հայաստան է բերվել Թբիլիսիից, Սամվել Բաբայանը պատասխանեց. «Ես չեմ գտնում, որ էդ հրթիռը Թբիլիսիից են բերել, ես ձեզ ապացուցելու եմ, թե ում գարաժից է դա եւ ում է պատկանում»։
Սամվել Բաբայանը նաեւ նշեց, որ, երբ իմացել է, թե Սանասար Գաբրլեյանին ձերբակալել են, նա դիմել է գործով վկա Աշոտ Շուշանյանին եւ ասել, որ գտնի պլանշետը, որում կա «իգլայի» լուսանկարը եւ «կորցնի» այն։ Սամվել Բաբայանի խոսքով, դա ասել է, քանի որ չի ցանկացել, որ ավելորդ քաշքշուկերի մեջ ընկնի։ Իսկ երբ Աշոտը հարցրել է, հնարավոր է, որ Սանասար Գաբրիելյանը իր մասին ցուցմունքում բան ասի, ինքը պատասխանել է. «Ուզում ա երգի, թող իր վրա երգի»։
Հիշեցնենք, որ ըստ մեղադրական եզրակացության՝ Սամվել Բաբայանը դրդել է մի խումբ անձանց` նախնական համաձայնությամբ ապօրինի կերպով ռազմամթերք հանդիսացող «Իգլա» տեսակի դյուրակիր զենիթահրթիռային համալիր ձեռք բերելուն, փոխադրելուն և պահելուն, ինչպես նաև՝ փոխարկման արդյունքում ձեռք է բերել հանցավոր ճանապարհով ստացված գույք:
Գործով որպես ամբաստանյալ անցնում են նաեւ Սանասար Գաբրիելյանը, Արմեն Պողոսյանը, Կարեն եւ Անդրանիկ Քոչարյանները, Ժորա Զաքարյանն ու Դավիթ Հարությունյանը:
Սամվել Բաբայանը, Սանասար Գաբրիելյանը և Արմեն Պողոսյանը կալանավորված են, իսկ մնացածը ստորագրությամբ ազատ են արձակվել:
Մենք միանգամայն արժանիորեն դուրս եկանք հաջորդ փուլ
Ուրումչիի մշակութային ուղին. Գրանդ բազար
Գանսուի թռչող ձին. չինական նահանգի հնագույն ժառանգություն
Մյունխենի կենտրոնում կառուցվել է փայտից պատրաստված հնգահարկ մանկապարտեզ
Երևանը կդառնա ժամանակակից երաժշտության և արվեստի միջազգային կենտրոն
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
Հայաստանի համար Էբոլա հիվանդության ներմուծման և հետագա տարածման ռիսկը գնահատվում է ցածր
ԿԳՄՍՆ-ն՝ ի գիտություն «Սևանի շուրջը» սիրողական հեծանվային արշավին մասնակցությամբ հետաքրքրվողների
Մնացական Սաֆարյանն ու Պորտուգալիայի նորանշանակ դեսպանը քննարկել են երկկողմ համագործակցության օրակարգ...
Գետերի վարարումների ժամանակ առաջացած ավելցուկային ջուրը որոշ դեպքերում անհատույց կտրամադրվի ոռոգման ...