Հայաստան-ԵՄ համաձայնագրի ստորագրումը չի ուշանա, իսկ ի՞նչ է լինելու դրանից հետո
«168 ժամ» թերթը գրում է. «Ես լավատես եմ` եթե ԵՄ-ն, ԵՄ անդամ երկրներն իրենց առավելագույնն են անում, ուստի կարծում եմ, որ համաձայնագիրը կստորագրվի կամ գագաթաժողովի ընթացքում, կամ դրան մոտ օրերին: Եթե ոչ, ապա վստահ եմ, որ համաձայնագիրը կստորագրվի դրանից անմիջապես հետո»,- այս մասին «168 Ժամի» հետ զրույցում ասել է «Հայաստանի եվրոպացի բարեկամներ» կազմակերպության ղեկավար Դիոգո Պինտոն՝ անդրադառնալով ՀՀ-ԵՄ Համապարփակ եւ ընդլայնված համագործակցության համաձայնագրի ստորագրմանը:
Ըստ նրա՝ եթե համաձայնագիրը հաջողությամբ վավերացվի, կարելի է անցում կատարել վիզային ռեժիմի ազատականացման բանակցություններին: Պինտոյի խոսքերով՝ ազատ վիզային ռեժիմը կհեշտացնի ՀՀ-ԵՄ հարաբերությունները՝ ավելի շոշափելի դարձնելով հնարավորությունները: «Ես խոստանում եմ, որ ՀԵԲ-ը լուրջ ջանքեր կներդնի այս ուղղությամբ»,- ասել է Պինտոն:
Անդրադառնալով համաձայնագրի ստորագրումից հետո Եվրամիության հետ Հայաստանի հարաբերությունների հեռանկարին՝ նա նշել է. «Շատերը ժամանակ էին խնդրում ավելի տարբերակված եւ ավելի ճկուն Եվրոպական Հարեւանության քաղաքականության համար` հավատարիմ մնալով «ավելին՝ ավելիի դիմաց» սեփական սկզբունքին: Բոլորի համար ակնհայտ է, որ յուրաքանչյուր երկիր յուրահատուկ դեպք է, եւ երկրներին մեկ զամբյուղում տեղավորելու փորձերը, ամենայն հավանականությամբ, դատապարտված են ձախողման: Ներկայումս կարծում եմ, որ Հայաստանն իր նոր համաձայնագրով այդ «տարբերակման» եւ «ավելի ճկունության» լավագույն օրինակն է»:
Մանրամասները՝ թերթի այսօրվա համարում
Մենք միանգամայն արժանիորեն դուրս եկանք հաջորդ փուլ
Ուրումչիի մշակութային ուղին. Գրանդ բազար
Գանսուի թռչող ձին. չինական նահանգի հնագույն ժառանգություն
Մյունխենի կենտրոնում կառուցվել է փայտից պատրաստված հնգահարկ մանկապարտեզ
Երևանը կդառնա ժամանակակից երաժշտության և արվեստի միջազգային կենտրոն
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
Հայաստանի համար Էբոլա հիվանդության ներմուծման և հետագա տարածման ռիսկը գնահատվում է ցածր
ԿԳՄՍՆ-ն՝ ի գիտություն «Սևանի շուրջը» սիրողական հեծանվային արշավին մասնակցությամբ հետաքրքրվողների
Մնացական Սաֆարյանն ու Պորտուգալիայի նորանշանակ դեսպանը քննարկել են երկկողմ համագործակցության օրակարգ...
Գետերի վարարումների ժամանակ առաջացած ավելցուկային ջուրը որոշ դեպքերում անհատույց կտրամադրվի ոռոգման ...