Եթե այժմ Չավուշօղլուն հայտարարում է նման քայլի մասին, նշանակում է՝ պահանջները բավարարվում են. թուրքագետ
Թուրքիան և Հայաստանը հարաբերությունները կարգավորելու համար կնշանակեն հատուկ ներկայացուցիչներ. այս մասին երեկ ուշ երեկոյան տեղեկացան ՀՀ «հպարտ» քաղաքացիները ոչ թե իրենց վարչապետ Նիկոլ Փաշինյանից և կամ Հայաստանի ԱԳ նախարարից, այլ Թուրքիայի արտգործնախարար Մևլութ Չավուշօղլուից:
«Հայաստանի հետ հարաբերությունների կարգավորմանն ուղղված քայլերի շրջանակում շուտով փոխադարձաբար հատուկ ներկայացուցիչներ կնշանակվեն»,- հայտարարել է Թուրքիայի արտգործնախարարը2022 թ. մեջլիսում բյուջեի քննարկման ժամանակ:
Նա նաև շեշտել է, որ այս հարցում խորհրդակցել է Ադրբեջանի հետ, և հետագայում էլ այս գործընթացում միասին են առաջ շարժվելու: Ի դեպ, Չավուշօղլուն տեղեկացրել է նաև, որ առաջիկայում Ստամբուլ-Երևան չարտերային թռիչքներ են գործարկվելու:
Ուշագրավ է, որ այս հայտարարությունը մեջլիսում ծափահարություններով է ընդունվել:
Այսօր արդեն եղավ նաև Հայաստանի պաշտոնական արձագանքը. ՀՀ ԱԳՆ մամուլի խոսնակ Վահան Հունանյանը վերահաստատել է դիրքորոշումը, որ Հայաստանը, ինչպես նախկինում, այնպես էլ՝ այժմ, պատրաստ է Թուրքիայի հետ առանց նախապայմանների հարաբերությունների կարգավորմանն ուղղված գործընթացին, ինչն արձանագրված է ՀՀ կառավարության ծրագրում։
«Այս առումով դրական ենք գնահատում Թուրքիայի ԱԳ նախարարի` հարաբերությունների կարգավորման նպատակով հատուկ ներկայացուցիչ նշանակելու մասին հայտարարությունը, և հաստատում, որ հայկական կողմը ևս երկխոսության համար հատուկ ներկայացուցիչ կնշանակի»,-նշել է Վահան Հունանյանը ԶԼՄ-ների հարցին ի պատասխան:
Թուրքագետ Տիրան Լոքմագյոզյանը, սակայն, կարծում է, որ եթե Թուրքիան Հայաստանի հետ հարաբերությունները կարգավորելու ինչ-ինչ քայլեր է կատարում, դա նշանակում է, որ Հայաստանն արդեն մեկ քայլ արել է, և Թուրքիայի ներկայացրած պահանջները բավարարվում են:
«Կարծում եմ, որ միջանցքի հետ կապված քննարկումներ վաղուց եղել են և ինչ-որ պայմանավորվածություններ կան: Չմոռանանք, որ մեր վարչապետը ցանկություն էր հայտնել Էրդողանի հետ տեսակցության, և եթե այն մակարդակին է հասել, որ ինչ-որ բաներ պետք է քննարկեն, նշանակում է, որ ամեն ինչ արդեն հստակեցված է ներքևի օղակներում: Այսինքն՝ վերևի օղակները կհանդիպեն ոչ թե ինչ-որ բաներ քննարկելու համար, այլ միայն ստորագրելու»,-նշեց թուրքագետը 168.am-ի հետ զրույցում:
Անդրադառնալով առաջիկայում Ստամբուլ-Երևան չարտերային թռիչքների գործարկման մասին Թուրքիայի ԱԳ նախարարի հայտարարությանը՝ Տիրան Լոքմագյոզյանը նկատեց, որ թուրքական ավիաուղիները ուղիղ չվերթեր են իրականացնում այն երկրների հետ, որոնց հետ Թուրքիան դիվանագիտական հարաբերություններ ունի:
Նա նաև հիշեցրեց, որ հայ-թուրքական արձանագրությունների ժամանակ դեռևս, երբ արդեն գրեթե ստեղծվում էին այդ հարաբերությունները, թուրքական ավիաուղիներն արդեն պատրաստել էին ամեն ինչ ուղիղ չվերթի համար. «Եթե Չավուշօղլուն խոսում է այսօր չվերթերի մասին, նշանակում է, որ արդեն հասել են ինչ-որ փուլի, որտեղ հարաբերություններն արդեն կարգավորվելու են: Իսկ հարաբերությունները կարգավորելու համար Թուրքիան արդեն 30 տարի 3 պայման էր առաջ քաշում՝ Ղարաբաղի հանձնումը, սահմանների ճանաչումը և Ցեղասպանության պահանջատիրությունից հրաժարումը, և եթե այժմ Չավուշօղլուն հայտարարում է նման քայլի մասին, նշանակում է, որ այդ պահանջները բավարարվում են:
Այդ ժամանակ դեռ «միջանցքի» հարց չկար, բայց այսօր մենք գիտենք, որ նաև այդ հարցն է դրված, և մենք Սյունիքը կորցնելու վտանգի առաջ ենք»:
Թուրքագետըչի բացառում, որ«միջանցք»-ը տալուց հետո հայկական կողմը արդարանա, թե՝ տեսեք, մենք միջանցքը տվեցինք, սակայն Սյունիքը փրկեցինք:
Մեռելոց օրերը կամրագրվեն օրենքով սահմանված տոների և հիշատակի օրերի ցանկում, իսկ ոչ աշխատանքային լինե...
Առաջին դասարանցիների առցանց ընդունելությունը՝ նոր կանոններ, նոր մարտահրավերներ
Ֆրանսիայում հրշեջները պայքարում են անտառային հրդեհների դեմ
Ես քաղաքականությունից չեմ հեռանալու, քաղաքականության էջը չեմ փակում. Ալեն Սիմոնյան
Մահացել է ՀՀ վաստակավոր արտիստ Արտաշես Ալեքսանյանը
Ճապոնիայի վարչապետն այցելել է Հնդկաստան
Չեմ վերցնի մանդատ. Ալեն Սիմոնյան
Ինչո՞ւ է շոգին գլխացավն ավելի հաճախ լինում․ բժիշկը ներկայացնում է հիմնական պատճառներն ու խորհուրդներ...
Շվեդիայում Ռուսաստանի դեսպանությունը ԱԹՍ-ներով հարձակման է ենթարկվել
«Ուժեղ Հայաստան»-ը կվերցնի մանդատները և կգնա Ազգային ժողով