Կրթության տեսչության պետի տեղակալը լծված է Չեխովի դպրոցում իր աղջկան տնօրեն նշանակելու գործին
Տևական ժամանակ է, ինչ Երևանի Ա. Չեխովի անվան N 55-րդ դպրոցի տնօրենի թափուր պաշտոնատեղի համար իրականացվում է մրցույթ, սակայն տնօրենի ընտրության գործող կարգի անտրամաբանական կարգավորումներով պայմանավորված՝ ոչ մի թեկնածու հաղթող չի ճանաչվում:
2021 թվականի հոկտեմբերի 18-ին տեղի է ունեցել տնօրենի պաշտոնի թափուր տեղի մրցույթը, որին մասնակցել են 3 հավակնորդներ՝ Գայանե Սարուխանյանը (ով դպրոցը ղեկավարում է 1994 թվականից առ այսօր), Տաթևիկ Մելքոնյանը (ով Կրթական տեսչական մարմնի ղեկավարի տեղակալ Ռաիսա Գալստյանի աղջիկն է և դպրոցի տնօրենի տեղակալն է ուսումնական աշխատանքների գծով) և ՀՊՏՀ-ի դասախոս Դիաննա Մինասյանը:
Բաց քվեարկության արդյունքում Տաթևիկ Մելքոնյանը ստացել է 1 ձայն, Դիաննա Մինասյանը՝ 3 ձայն, իսկ 27 տարի աշխատած տնօրեն Գայանե Սարուխանյանը՝ 4 ձայն, ինչի արդյունքում նա տնօրեն չի ընտրվել:
Փոխտնօրեն Տաթևիկ Մելքոնյանը տևական ժամանակ է՝ արձակուրդում է, քանի որ ընտրական գործընթացին նրա մասնակցելու փաստը ուսուցչական անձնակազմը շատ վատ է ընդունել: Ուսուցիչները տարակուսած են, թե ինչպես կարող է Տաթևիկը ղեկավարել ավանդույթներով լի դպրոցը. նա թեև 2004 թվականից դպրոցում է աշխատում, ներկայումս էլ դպրոցի տնօրենի տեղակալն է, բայց ընտրությանը մասնակցելով՝ ընդամենը 1 ձայն է ստացել, այսինքն՝ նա չունի համապատասխան ընկալում ուսուցչական կոլեկտիվի կողմից:
Շրջանառվող լուրերի համաձայն՝ Տաթևիկ Մելքոնյանը Կրթական տեսչական մարմնի ղեկավարի տեղակալ Ռաիսա Գալստյանի դուստրն է, ով բոլոր հնարավոր տարբերակներով փորձում է իր աղջկա գործերը դասավորել: Ի դեպ, ըստ նույն աղբյուրների՝ այդ գործին է միացել և նրա լոբինգով է զբաղված ԿԳՄՍ նախարարի տեղակալ Ժաննա Անդրեասյանը, և քանի որ դպրոցը Երևանի քաղաքապետարանի ենթակայության տակ է, փորձում է ազդել քաղաքային իշխանության վրա, որպեսզի քաղաքապետը ժամանակավոր պաշտոնակատար նշանակի Տաթևիկ Մելքոնյանին:
Գործող տնօրենի ժամկետն ավարտվում է 15.12.2021 թվականին, այսինքն՝ 2 օր անց ըստ կարգի Երևանի քաղաքապետը պետք է ժամանակավոր պաշտոնակատար նշանակի:
Ըստ լուրերի՝ Ռաիսա Գալստյանը, օգտվելով իր լիազորություններից, ստուգումներ է բացել դպրոցում և այդ ճանապարհով փորձում է ազդել ընտրական և նշանակման գործընթացի վրա:
Ստուգումների արդյուքները նախորդ շաբաթ ամփոփվել են և ներկայացվել վերադասության կարգով:
Մեռելոց օրերը կամրագրվեն օրենքով սահմանված տոների և հիշատակի օրերի ցանկում, իսկ ոչ աշխատանքային լինե...
Առաջին դասարանցիների առցանց ընդունելությունը՝ նոր կանոններ, նոր մարտահրավերներ
Ֆրանսիայում հրշեջները պայքարում են անտառային հրդեհների դեմ
Ես քաղաքականությունից չեմ հեռանալու, քաղաքականության էջը չեմ փակում. Ալեն Սիմոնյան
Մահացել է ՀՀ վաստակավոր արտիստ Արտաշես Ալեքսանյանը
Ճապոնիայի վարչապետն այցելել է Հնդկաստան
Չեմ վերցնի մանդատ. Ալեն Սիմոնյան
Ինչո՞ւ է շոգին գլխացավն ավելի հաճախ լինում․ բժիշկը ներկայացնում է հիմնական պատճառներն ու խորհուրդներ...
Շվեդիայում Ռուսաստանի դեսպանությունը ԱԹՍ-ներով հարձակման է ենթարկվել
«Ուժեղ Հայաստան»-ը կվերցնի մանդատները և կգնա Ազգային ժողով