Քաղաքական պարտության մասին
• Ռազմական պարտություն կարող է գրանցվել ճակատամարտում, պատերազմում գրանցվում է միմիայն քաղաքական պարտություն։ Ճակատամարտերում բախվում են զինվորների ու հրանոթների ֆիզիկական մարմինները, պատերազմներում՝ ազգերի քաղաքական մարմինները։
• Անգամ Հիսուսի խաչելությունը, եթե անկրոն-աշխարհիկ հայեցակետից դիտենք, զուտ վերջինիս ֆիզիկական պարտությունը չէր հռոմեական զինվորներին և ոչ էլ հետևանք էր հրեական ագորայում կայացված ժողովրդավարական (!) ընտրության։ Հիսուսի խաչելությունը հետևանք էր իր քաղաքական գործունեության, որով նա ինքն իրեն թշնամացրեց տիրող քաղաքական համակարգին, իսկ այդ ամենի անդառնալիության կետը Մարդու Որդու կայացրած քաղաքական որոշումն էր Պիղատոսի՝ «դո՞ւ ես թագաւորն Հրէից» հարցին պատասխանելու՝ «դու ասես»։
• 19-րդ դարից սկսած՝ մեր պարտությունների պատճառը նույնպես քաղաքական է՝ սկսած հայոց հարցի լուծումը նախ բալկանյան կրկնօրինակման, ապա՝ Օսմանյան պետության ընդհանուր դեմոկրատացման մեջ տեսնելուց, վերջացրած այսօրվա անկախ Հայաստանի արտաքին քաղաքականության ճարտարապետությունը Ռուսաստանի ու Արևմուտքի, իսկ հաճախ՝ այդ երկուսի հակամարտության միջև կաղապարելով և Մերձավոր Արևելքում Սլովակիա կառուցել փորձելով։ Իսկ այդ ամենի անդառնալիության կետը հայոց գահի քաղաքական կապիտուլյացիան էր 2018 թ․-ի գարնանը։
• Վերջերս Հայկական նախագիծ/Armenian Projectի «Մարզահոսի» թողարկման մեջ անդրադարձել ենք ԱՄՆ-Մեքսիկա պատերազմին (1846-1848 թթ․) (https://www.youtube.com/watch?v=ZQuRyq70y-c), որը քաղաքական պարտության և «բանակը չի պարտվել»-ի ցցուն օրինակ է։ Անպայման խորհուրդ եմ տալիս դիտել։ Սա ոչ միայն պատմական էքսկուրս-զուգադրություն է, այլև դրա միջոցով ցույց է տալիս, թե «մեր ապագան ինչ պդի էղնի»՝ ի դերև հանելով իրենց Բորիս Բերեզովսկի երևակայող որոշ կոմպրադորների և նրանց ստվերային փողերով ֆինանսավորվող մեդիակայսրության քարոզչաաղբի զոհ դարձած մեր որոշ հայրենակիցների հույսերը, թե կարող են ջախջախիչ պարտությունից հետո սահմաններ բացել և թյուրքերի հետ շահավետ առևտուր անել։
• Ինչ վերաբերում է քաղաքական պարտությունների շղթան կոտրելու և վերստին հայոց հաղթանակների դարագլուխ բացելու խնդրականին, ապա դրան ևս կանդրադառնանք, բայց նախ ախտորոշման հարցերը լուծենք։
Մեռելոց օրերը կամրագրվեն օրենքով սահմանված տոների և հիշատակի օրերի ցանկում, իսկ ոչ աշխատանքային լինե...
Առաջին դասարանցիների առցանց ընդունելությունը՝ նոր կանոններ, նոր մարտահրավերներ
Ֆրանսիայում հրշեջները պայքարում են անտառային հրդեհների դեմ
Ես քաղաքականությունից չեմ հեռանալու, քաղաքականության էջը չեմ փակում. Ալեն Սիմոնյան
Մահացել է ՀՀ վաստակավոր արտիստ Արտաշես Ալեքսանյանը
Ճապոնիայի վարչապետն այցելել է Հնդկաստան
Չեմ վերցնի մանդատ. Ալեն Սիմոնյան
Ինչո՞ւ է շոգին գլխացավն ավելի հաճախ լինում․ բժիշկը ներկայացնում է հիմնական պատճառներն ու խորհուրդներ...
Շվեդիայում Ռուսաստանի դեսպանությունը ԱԹՍ-ներով հարձակման է ենթարկվել
«Ուժեղ Հայաստան»-ը կվերցնի մանդատները և կգնա Ազգային ժողով