Գերությունից վերադարձած մեղադրյալ զինծառայողներից մեկին կալանավորելու միջնորդությունը մերժվել է, մյուսինը՝ բավարարվել
Դեկտեմբերի 4-ին Ադրբեջանական գերություներից Հայաստան վերադարձված, այժմ արդեն՝ մեղադրյալի կարգավիճակ ունեցող զինծառայողներից Ն.Ե.-ին կալանավորելու վերաբերյալ նախաքննական մարմնի կողմից ներկայացված միջնորդությունը դատարանը մերժել է: Այս մասին NEWS.am-ի հետ զրույցում հայտնեց նրա պաշտպան Կարմեն Պողոսյանը՝ հավելելով, որ դատարանը մեղադրյալի նկատմամբ այլ խափանման միջոց ընտրելու հարցի լուծումը թողել է վարույթն իրականացնող մարմնի հայեցողությանը:
«Նարեկը հիմա ազատության մեջ է: Քանի որ այժմ նախաքննություն է ընթանում, քրեական գործի մանրամասների եւ առաջադրված մեղադրանքի մասին խոսել չեմ կարող: Մեղադրանքը նոր է առաջադրվել, վկայով են հարցաքննվել, ցուցմունք տվել, հետո կասկածյալով հրաժարվել է իմ պաշտպանյալը, իսկ մեղադրանք առաջադրվելուց հետո, կարելի է ասել, լրացուցիչ ցուցմունք է տվել: Նախաքննական մարմինը նորից կալանավորելու միջնորդություն չի կարող ներկայացնել, պետք է արդեն խափանման այլ միջոց ընտրվի՝ ստորագրության կամ գրավի տեսքով, այդ հարցը դեռ չի քննարկվել»,- հայտնեց Պողոսյանը:
Փաստաբանը տեղեկացրեց նաեւ, որ դատարանը մեղադրյալի կարգավիճակ ունեցող մեկ այլ զինծառայողի՝ Ս.Ա.-ին կալանավորելու միջնորդությունը բավարարել է:
Մեղադրյալի կարգավիճակ ունեցող մյուս 3 զինծառայողներին կալանավորելու միջնորդությունների առնչությամբ տեղեկատվություն դեռեւս առկա չէ:
Ավելի վաղ NEWS.am-ի հետ զրույցում ՀՀ Քննչական կոմիտեի մամուլի քարտուղար Վարդան Թադևոսյանը հայտնել էր, որ դեկտեմբերի 4-ին Հայաստան վերադարձված 10 գերիից 5-ին մեղադրանք է առաջադրվել, եւ որ նրանց կալանավորելու միջնորդություններ եբ ներկայացվել դատարան։
Զինծառայողներին մեղադրանք է առաջադրվել ՀՀ քրեական օրենսգրքի 365-րդ հոդվածի 3-րդ մասով, այն է՝ մարտական հերթապահության կամ մարտական ծառայություն կրելու կանոնները խախտելը, որն առաջացրել է ծանր հետևանքներ։
Դեկտեմբերի 4-ին ռուսական կողմի միջնորդությամբ Ադրբեջանը Հայաստանին էր փոխանցել նոյեմբերի 16-ին ՀՀ արեւելյան սահմանագոտում տեղի ունեցած մարտերի ժամանակ գերեվարված 10 հայ զինծառայողի, որոնց ՌԴ ՊՆ ինքնաթիռով Երեւան էր տեղափոխել Արցախում ՌԴ խաղաղապահ ուժերի նախկին հրամանատար, ՌԴ ԶՈւ Հարավային ռազմական օկրուգի հրամանատարի տեղակալ, գեներալ Ռուստամ Մուրադովը:
Մեռելոց օրերը կամրագրվեն օրենքով սահմանված տոների և հիշատակի օրերի ցանկում, իսկ ոչ աշխատանքային լինե...
Առաջին դասարանցիների առցանց ընդունելությունը՝ նոր կանոններ, նոր մարտահրավերներ
Ես քաղաքականությունից չեմ հեռանալու, քաղաքականության էջը չեմ փակում. Ալեն Սիմոնյան
Մահացել է ՀՀ վաստակավոր արտիստ Արտաշես Ալեքսանյանը
Ճապոնիայի վարչապետն այցելել է Հնդկաստան
«Ուժեղ Հայաստան»-ը կվերցնի մանդատները և կգնա Ազգային ժողով
Ինչո՞ւ է շոգին գլխացավն ավելի հաճախ լինում․ բժիշկը ներկայացնում է հիմնական պատճառներն ու խորհուրդներ...
Ուկրաինան հարվածել է Ռուսաստանի վերջին խոշոր նավթավերամշակման գործարանին
Անահիտ Ավանեսյանը Ստամբուլում մասնակցում է առողջապահական համակարգերի պատրաստվածությանը նվիրված համաժ...
Ռուբինյանը հայտարարել է, որ «Ուժեղ Հայաստան»-ը կօգտագործի մանդատները՝ փորձելով խուսափել արդարադատութ...