Արթիկում «Շակալը» կփրկի ՔՊ-ին

Հրապարակը գրում է. Դեկտեմբերի 5-ի ընտրությունների արդյունքում Շիրակի մարզի Արթիկ համայնքում

որեւէ ուժ ինչպես հայտնի է 50+1 ձայն չի հավաքել եւ կոալիցիա կազմելու անհրաժեշտություն կա․ ամենաշատ ձայնը տարել է ՔՊ-ն՝ 41, 61 տոկոս, «Միասնական Արթիկ» դաշինքը՝ 23,38, «Հանուն հանրապետության»-ը՝ 13,73, Ազատականը՝ 11,92 տոկոս։

Չնայած մենք տեղեկություններ էինք ստանում, որ արթիկցիները դեմ են, որ խոշորացված համայնքը ղեկավարի ծնունդով պեմզաշենցի ՔՊ-ականը եւ բանակցությունները գնում էին այն ուղղությամբ, որ մի կողմ է պետք դնել կուսակցական-գաղափարական տարաձայնությունները եւ համայնքի կառավարումը շնորհել ամենամեծ համայնքի՝ Արթիկի խնդիրներին քաջածանոթ մեկը, դիցուք «Միասնական Արթիկ» դաշինքով առաջադրված Մխիթար Վարագյանը, սակայն քիչ առաջ տեղեկություն ստացանք, որ իշխանության ճնշումները թողել են իրենց ազդեցությունը եւ Նիկոլ Փաշինյանի դաշնակից Սամվել Բաբայանի «Ազատական» կուսակցությամբ առաջադրված թեկնածու, գործող փոխքաղաքապետ Արտակ Հարությունյանը, ով արթիկցիներին հայտնի է «Շակալ» մականվամբ, համաձայնության է եկել ՔՊ-ի հետ եւ վաղն առավոտյան կհայտարարի կոալիցիայի մասին: