Ասել, թե առաջնագիծը կահավորված է, նշանակում է ծաղրել զինծառայողներին. Թովմասյան
Առաջնագծի կահավորման հետ կապված շարունակում եմ ահազանգեր ստանալ հենց առաջնագծի զինվորականներից։ ԱԺ-ում լրագրողների հետ զրույցի ժամանակ այս մասին ասաց «Պատիվ ունեմ» խմբակցության պատգամավոր Թագուհի Թովմասյանը՝ հավելելով, որ ասել, առաջնագիծը կահավորված է, նշանակում է՝ ծաղրել զինծառայողներին։
Ինչ վերաբերում է զինծառայողների վերաբերյալ Թագուհի Թովմասյանի ներկայացրած նախագծին, որը ՔՊ-ական պատգամավոր Արսեն Թորոսյանը պոպուլիստական որակեց, Թագուհի Թովմասյանը նշեց, որ Արսեն Թորոսյանը մեծ պոպուլիստ է և դեռ նախարարի պաշտոնում գործունեություն ծավալելու ժամանակահատվածից հայտնի է ստախոսությամբ։
«Նա պարբերաբար բաներ էր ասում, որոնք հետո պարզվում էր, որ սուտ են։ Հետո ինքն առանց ամաչելու կարող էր հերքել այդ սուտը՝ ասելով, որ նման բան չի ասել։ Կարծում եմ՝ Արսեն Թորոսյանին պետք չէ լուրջ վերաբերվել։ Այն, որ իշխանության ներկայացուցիչը հարկ է համարում պնդել, թե 2019թ.-ից այդ հարցը լուծված է, դա սուտ է»,-նշեց պատգամավորը։
Վերջինս ընդգծեց՝ իշխանական պատգամավորները ծանր են տանում, քանի որ նրանք չեն ներկայացրել այդ նախագիծը։ Նշենք, որ նախագծով առաջարկվում էր զինծառայողների առողջական վիճակի հետազոտությունը, փորձաքննությունը և բուժումը կատարել առաջնահերթ և անվճար։
Թագուհի Թովմասյանը նշեց, որ եթե իշխանությունը զինծառայողների նկատմամբ հատուկ վերաբերմունք ունենար, նրանք նոյեմբերի 9-ից հետո զինծառայողների համար տարրական պայմաններ կստեղծեին, որ նրանք իրենց զինծառայությունը գոնե մարդկային պայմաններում իրականացնեին։
«Առաջնագիծը չկահավորելու հարցում վախկոտության որոշակի դրսևորում կա, որովհետև մտավախություն ունեն, որ եթե այս իրավիճակում առաջնագծում ինչ-որ աշխատանքներ իրականացնեն, հնարավոր են որոշակի զարգացումներ, բայց դեռ նոյեմբերի 9-ին, երբ ադրբեջանական ուժերը գալիս ու իրենց GPS-ով դիրքավորվում էին այնտեղ, որտեղ ցանկանում էին, այդ ժամանակ ՀՀ-ն որպես պետություն պետք է ներկայացուցիչ ունենար, այլ ոչ թե հովիվները կամ քաղաքացիական անձինք դիմավորեին ադրբեջանական զինված ուժերի ներկայացուցիչներին»,-ասաց Թագուհի Թովմասյանը։
Մեռելոց օրերը կամրագրվեն օրենքով սահմանված տոների և հիշատակի օրերի ցանկում, իսկ ոչ աշխատանքային լինե...
Առաջին դասարանցիների առցանց ընդունելությունը՝ նոր կանոններ, նոր մարտահրավերներ
Ես քաղաքականությունից չեմ հեռանալու, քաղաքականության էջը չեմ փակում. Ալեն Սիմոնյան
Մահացել է ՀՀ վաստակավոր արտիստ Արտաշես Ալեքսանյանը
Ճապոնիայի վարչապետն այցելել է Հնդկաստան
«Ուժեղ Հայաստան»-ը կվերցնի մանդատները և կգնա Ազգային ժողով
Ինչո՞ւ է շոգին գլխացավն ավելի հաճախ լինում․ բժիշկը ներկայացնում է հիմնական պատճառներն ու խորհուրդներ...
Ուկրաինան հարվածել է Ռուսաստանի վերջին խոշոր նավթավերամշակման գործարանին
Անահիտ Ավանեսյանը Ստամբուլում մասնակցում է առողջապահական համակարգերի պատրաստվածությանը նվիրված համաժ...
Ռուբինյանը հայտարարել է, որ «Ուժեղ Հայաստան»-ը կօգտագործի մանդատները՝ փորձելով խուսափել արդարադատութ...