Լավրովը` Ղարաբաղի շուրջ պայմանավորվածությունների եւ վերջնական քաղաքական կարգավորման մասին
Լեռնային Ղարաբաղի հակամարտության ներկայիս փուլը սկսվեց այն բանից հետո, երբ բավականին երկար ժամանակ ծայրաստիճան հուզական, աագրեսիվ եւ առճակատող հայտարարություններ էին կուտակվում: Այս մասին նոյեմբերի 12-ին կայացած մամուլի ասուլիսին հայտարարել է Ռուսաստանի արտգործնախարար Սերգեյ Լավրովը:
«Մենք կնախընտրեինք, որպեսզի հակամարտությունը կարգավորվեր վաղուց` ԵԱՀԿ Մինսկի խմբի համանախագահների կողմից մշակված սկզբունքների հիման վրա, որոնց մասին վերջերս բազմիցս խոսել է Ադրբեջանի նախագահը եւ ընդգծել իր պատրաստակամությունն այդ սկզբունքների հիման վրա իրականացնել այն, ինչ առաջարկվել էր համանախագահների կողմից: Եթե մենք գնայինք այդ ճանապարհով, ապա հինգ շրջանների, ապա երկուսի ազատագրման հետ կապված արդյունքը, հավանաբար, նույնը կլիներ: Սակայն նախ դա անարյուն կլիներ եւ երկրորդը` դա կարվեր որպես վերջնական քաղաքական կարգավորմում»,- հայտարարել է Լավրովը:
Ըստ նրա` առաջարկված խաղաղության առաջարկները, քաղաքական եւ դիվանագիտական քայլերը, որոնք ինչ-որ փուլում կիսում էին բոլոր կողմերն առանց բացառության, վերջին կարճ ժամանակահատվածում կասկածի տակ դրվեցին, ասվում էր, որ դա չի ապահովի հուսալի անվտանգություն, եթե մենք գնանք հինգ եւ երկու շրջանների վերադարձի ճանապարհով, եւ երկու կողմերից էլ սկսեցին հուզական եւ բավականին կոշտ, ագրեսիվ հայտարարություններ կուտակվել: Մթնոլորտը թեժանում էր, միջադեպեր էին տեղի ունենում Հայաստանի եւ Ադրբեջանի սահմանին, դրանք հաջողվեց բավականին արագ խլեցնել, սակայն արագ լուծման ցանկությունը կախված էր օդում:
«Ջանքերը, որոնք ձեռնարկվել են նախ ՄԽ համանախագահների, ապա Ռուսաստանի Դաշնության, Ադրբեջանի եւ Հայաստանի արտգործնախարարների մակարդակով, համապատասխան հայտարարություններ են ընդունվել, որոնք հետագայում հաստատվեցին ֆրանսիացիների եւ ամերիկացիների նախաձեռնած նոր փաստաթղթերով: Դրանցից ոչ մեկը չի ազդել արյունահեղության իրական դադարեցման վրա: Քանի որ այս բոլոր դեպքերում հրադադարի ռեժիմի դիտարկման մեխանիզմի ստեղծման շուրջ համաձայնություն ձեջք չէր բերվել, որին կոչ էին անում համանախագահները: Այս համաձայնագրերին սկզբունքորեն նոր որակ հաղորդվեց, երբ վերջին շաբաթվա ընթացքում ինտենսիվ բանակցություններ էին տարվում Ռուսաստանի Դաշնության եւ Ադրբեջանի նախագահների եւ ՀՀ վարչապետի մակարդակով, օրը մի քանի անգամ յուրաքանչյուր իր գործընկերներից յուրաքանչյուրի հետ նախագահ Պուտինը շփվում էր, եւ հիմնական ուշադրությունը կենտրոնանացած էր խաղաղապահ օպերացիայի շուրջ համաձայնության գալու վրա: Արդյունքում այն համաձայնեցվեց, դրա կազմը որոշվել է Ռուսաստանի Դաշնության կողմից` Բաքվի եւ Երեւանի խնդրանքով: Առաքելությունն արդեն տեղակայվում է Լեռնային Ղարաբաղում շփման գծում եւ միաժամանակ ապահովելով Լաչինի միջանցքը Լեռնային Ղարաբաղի եւ Հայաստանի միջեւ կապի համար»,- հայտնել է Լավրովը:
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
Հայտարարություն․ տարածքի անվտանգությամբ պայմանավորված՝ բեռնատարների մուտքը սահմանափակվում է