ԱՄՆ-ն մինչև մայիսի 15-ը երկարաձգել է Huawei-ի հետ համագործակցության թույլտվության ժամկետը
Միացյալ Նահանգները մինչև մայիսի 15-ը երկարաձգել է չինական Huawei ընկերության հետ աշխատելու համար ամերիկյան ընկերությունների արտոնագրի թույլտվության ժամկետը: Այս մասին ասված է ԱՄՆ-ի առևտրի նախարարության որոշման մեջ, գրում է Reuters գործակալությունը:
«Այսօր ԱՄՆ կառավարությունը որոշել է ժամանակավոր արտոնագիրը երկարաձգել մինչև 2020 թվականի մայիսի 15-ը։ Արտոնագրի գործողության ավարտի մասին կանոնը վերանայվում է և սահմանված նախորդ ժամկետը՝ 2020 թվականի ապրիլի 1-ը երկարաձգվում է մինչև 2020 թվականի մայիսի 15-ը»,- ասված է հայտարարության մեջ:
Փաստաթղթում հստակեցվում է, որ Huawei-ի հետ համագործակցությունը թույլատրվում է բացառապես այն ոլորտներում, որոնք չեն առնչվում ազգային անվտանգությանը։
ԱՄՆ-ն Huawei-ին մեղադրում Է Չինաստանի հետախուզության հետ համագործակցության և հաճախորդների հնարավոր լրտեսման համար՝ մյուս երկրներին կոչ անելով 5G բջջային կապի ստանդարտին անցում կատարելիս չօգտագործել Huawei-ի ենթակառուցվածքներն ու սարքավորումները: Չինական ընկերությունը հերքում է բոլոր մեղադրանքերը՝ դրանք որակելով անհիմն և քաղաքական ենթատեքստ ունեցող: Ընկերության խոսքով՝ ԱՄՆ-ն այդ քայլով խախտում է շուկայական մրցակցության սկզբունքները:
Ալյասկայում Ուկրաինայի վերաբերյալ համաձայնություն չի եղել. Ռուբիո
Կոտայքում սպասվող 7.4 մագնիտուդով երկրաշարժի մասին լուրը կեղծ է․ ՆԳՆ
Մերցը Մոսկվային կոչ է արել կանգ առնել շփման գծում և բանակցություններ սկսել Կիևի հետ
«Ուժեղ Հայաստան»-ի պատգամավորի թեկնածուներից 2-ը կալանավորվել են, 4-ի նկատմամբ հայտարարվել է հետախու...
Նպատակը՝ տրանսֆերային արժեքը հնարավորինս նվազեցնելն է
Ուրսուլա ֆոն դեր Լայենը հաջորդ շաբաթ կայցելի Հայաստան և Ադրբեջան
Վրաստանը կշարունակի իր պրագմատիկ քաղաքականությունը Ռուսաստանի հետ
Լավ տղան ընտրակաշառք չի վերցնի․ Գեղամ Նազարյան
Մենդելեևի աղյուսակ ու հաշվիչներ. ապագա բժիշկները քննություն են հանձնում քիմիա առարկայից
ԱԱ-2026-ի փլեյ-օֆֆի նախնական ցանցն ունի հետևյալ տեսքը