Հնդկական օվկիանոսում դելֆինների թիվը կրճատվել է 80 տոկոսով 70 տարվա ընթացքում

Համաձայն Endangered Species Research պարբերականում հրապարակված հետազոտության՝ վերջին տասնամյակում Հնդկական օվկիանոսում դելֆինների թիվը կրճատվել է ավելի քան 8 տոկոսով: Շուրջ 4 000 000 այդ կենդանիներից բռնել են թունա ձուկ որսալիս, հաղորդում է Nat-geo-ն:

2006 թվականին շուրջ 100 000 կետաձեւերի, հիմնականում դելֆինների, որսացել են կոմերցիոն ցանցերով: Ընդ որում՝ 20119 թվականի ցուցանիշները կազմում են շուրջ 80 000 կետաձեւ: Ընդ որում՝ հետազոտության հեղինակները նշում են, որ ձկնորսական ցանցերի օգտագործումն այսօր ամենամեծ վտանգն է ներկայացնում կետաձեւերի համար:

Հետազոտողների տվյալներով՝ որսի մեծ մասը կատարվում է Իրանում, Ինդոնեզիայում, Հնդկաստանում, Շրի Լանկայում, Պակիստանում, Եմենում, ԱՄԷ-ում եւ Տանզանիայում: Հետազոտությունը ցույց է տվել, որ թունայի յուրաքանչյուր 1 000 տոննայի համար ներկայում որսում են շուրջ 175 կետաձեւ, որոնց մեծ մասը սատկում է:

«Դա դաժան մահ է: Դելֆինները խելացի են, սակայն, քանի որ ցանցը շատ բարակ է, դելֆինների սոնարը չի ընկալում այն»,-ասել է Լիզա Մուստիկը: Նրա խոսքով՝ խնդրի լուծումը կարող էր դառնալ ձկնորսական ցանցից հրաժարումն ու անցումը դեպի ավելի կայուն գործիքները թունայի որսի դեպքում: Դելֆիններին փրկելու եւս մեկ տարբերակ կարող էին դառնալ ցանցերում տեղադրված սարքերը, որոնք կնախազգուշացնեին դելֆիններին վտանգի մասին: Սակայն այդպիսի մեթոդները մեծ հաշվով անհասանելի են զարգացող երկրների համար: