Ասանժի հայրը վախենում է, որ իր որդին կարող է մահանալ բանտում

Ասանժի հայրը վախենում է, որ իր որդին կարող է մահանալ բանտում
09:50, 09.11.2019
Տարածաշրջան:Աշխարհում
Թեմա: Քաղաքականություն

WikiLeaks-ի հիմնադիր Ջուլիան Ասանժի հայրը՝ Ջոն Շիպտոնը, հայտարարել է, թե ինքը վախենում է, որ իր որդին բանտում կմահանա «ինը տարվա հետապնդումից հետո այն բանի համար, որ համարձակվել է բացահայտել Միացյալ Նահանգների ռազմական հանցագործությունները», գրում է Daily Mail-ը:

Շիպտոնը Ժնեւում լրագրողներին հայտնել է, որ երկու օր առաջ այցելել է որդուն բրիտանական բանտում եւ ստիպված է եղել «բախվել դառը ճշմարտության հետ, որ նա կարող է մահանալ բանտում»:

«Դա հոր դառը հիասթափություն չէ: Դա ուղղակի փաստ է»,- ընդգծել է Ջոն Շիպտոնը:

Այն մասին, որ Ասանժի առողջական վիճակը սպառնալիքի տակ է, ավելի վաղ հաղորդել էր ՄԱԿ-ի հատուկ զեկուցող Նիլս Մելցերը:

Հատուկ զեկուցողը Մեծ Բրիտանիային կրկին կոչ էր արել Ասանժին չարտահանձնել ԱՄՆ եւ որքան հնարավոր է շուտ բաց թողնել նրան, որպեսզի Wikileaks-ի հիմնադիրը կարողանա սկսել լիարժեք բուժումը:

Wikileaks-ի հիմնադիրը 2010թ․ Շվեդիայում մեղադրվել է սեռական ոտնձգությունների եւ բռնաբարության համար։ Նա 2012թ․ հունիսից թաքնվում էր Լոնդոնում Էկվադորի դեսպանատանը՝ խուսափելով արտահանձնումից։ 2019թ․ ապրիլի 11-ի առավոտյան նրան կալանավորել են ԱՄՆ-ի հայցով։ Լոնդոնի դատարանը նրան մեղավոր է ճանաչել գրավի դիմաց ազատ արձակվելու պայմանները խախտելու համար եւ դատապարտել է 11 ամսվա բանտարկության։ Արտահանձնման վերաբերյալ լսումները սկսվել են մայիսի 2-ին։

Այս թեմայով Լոնդոնյան դատարանը հրաժարվել է Ասանժին ազատ արձակել գրավի դիմաց Ասանժի հայրը կտտանքների մասին է ահազանգում ԱՄՆ-ն Ասանժին արտահանձնելու պաշտոնական հարցում է ուղարկել Կադրեր են հրապարակվել բրիտանական «Բելմարշ» բանտից, որտեղ պահվում է Ջուլիան Ասանժը Ինչպես է իրեն զգում «Վիքիլիքսի» հիմնադիրը բանտում