Հայաստանի բնակչության մեկ երրորդը մտածում է երկրից հեռանալու մասին

Ամիսներ առաջ, դեռ մինչեւ հեղափոխական շարժման սկիզբը Top-News.am-ում հարցում սկսեցինք, պարզելու համար, թե բնակչության ոեր մասն է մտածում հայրենիքից արտագաղթելու մասին:

Հարցումը բավական հետաքրքիր կյանք ունեցավ եւ բավական հետաքրքիր պատկեր ցույց տվեց:

Մարտ-ապրիլին, մինչեւ զանգվածային հանրահավաքների սկիզբը պատկերը այսպիսին էր. հարցման մասնակիցների մոտ կեսը նշում էր, որ առաջին իսկ հնարավորության դեպքում կարտագաղթի եւ մոտ 24-35 տոկոսը նշում էր, որ արտագաղթելու մտադրություն չունի:

Շարժման ընթացքում եւ իշխանափոխությունից հետո առաջին շաբաթներին պատկերը կտրուկ փոխվեց: Արտագաղթելու տրամադրություն ուներ արդեն հարցման մասնակիցների 29 տոկոսը: 

Հիմա, ցավոք այս թիվը աճման միտում ունի եւ այս պահին հարցման մասնակիցների 34,1 տոկոսը դեռ ցանկանում է արտագաղթել: 53,2 տոկոսը արտագաղթելու մտադրություն չունի, իսկ 12,7 տոկոսը դեռ մտածում է:

Այժմ դադարեցնում ենք այս հարցումը: Նման հարցում կանցկացնենք մի քանի ամիս անց:

Իսկ հարցումն անցկացնելուց պարզեցինք, որ արտագաղթը ուղիղ կապ ունի կառավարության, իշխանությունների հանդեպ ժողովրդի ունեցած վերաբերմունքից:

Top-News.am