Տոլիբ Շախիդիի 80-ամյակին նվիրված հոբելյանական համերգ՝ Երևանում
«Արամ Խաչատրյան» համերգասրահում կայացել է համերգ՝ նվիրված Արամ Խաչատրյանի անվանի սան, կոմպոզիտոր Տոլիբ Շախիդիի 80-ամյակին։
Համերգին հետևել են ԿԳՄՍ նախարար Ժաննա Անդրեասյանը, նախարարի տեղակալ Դանիել Դանիելյանը, անձամբ ինքը՝ կոմպոզիտոր Տոլիբ Շախիդին։
Նախարար Ժաննա Անդրեասյանը հանդես է եկել ողջույնի խոսքով՝ նշելով՝ Շախիդիի ստեղծագործությունը վաղուց արդեն հաղթահարել է աշխարհագրական և մշակութային սահմանները՝ դառնալով համաշխարհային երաժշտական ժառանգության արժեքավոր մասը։
«Տոլիբ Շախիդին այն կոմպոզիտորներից է, որոնց երաժշտության մեջ ազգային արմատները չեն սահմանափակում ստեղծագործական միտքը, այլ ընդհակառակը՝ դառնում են համամարդկային լեզվով խոսելու հնարավորություն։ Նրա ստեղծագործություններում մենք լսում ենք Արևելքի խոր փիլիսոփայությունը, եվրոպական սիմֆոնիզմի հզոր ավանդույթները և ժամանակակից արվեստագետի ազատ մտածողությունը»,- ասել է Ժաննա Անդրեասյանը։
Նա ընդգծել է՝ առանձնահատուկ նշանակություն ունի այն փաստը, որ Տոլիբ Շախիդիի ստեղծագործական կենսագրությունը սերտորեն կապված է Հայաստանի և հայկական երաժշտական մշակույթի հետ։ Որպես Մոսկվայի պետական կոնսերվատորիայի ուսանող՝ նա ձևավորվել է Արամ Խաչատրյանի դասարանում՝ շարունակելով այն ստեղծագործական ավանդույթը, որը մեծ վարպետը թողել է իր բազմաթիվ սաների և հետևորդների միջոցով։
«Հայաստանում Ձեր անունը հնչում է առանձնահատուկ հարգանքով։ Մենք Ձեզ տեսնում ենք ոչ միայն որպես տաջիկ ժողովրդի մեծ արվեստագետի, այլև որպես այն սերնդի ներկայացուցիչ, որը կարողացավ պահպանել և զարգացնել մշակութային կամուրջները մեր ժողովուրդների միջև։
Ձեր երաժշտությունը բազմիցս ապացուցել է, որ արվեստը կարող է միավորել մարդկանց, երկրներին և մշակույթներին ավելի ուժեղ, քան ցանկացած սահման։ Այդ երաժշտության մեջ մենք զգում ենք հիշողության ուժը, ավանդույթի շարունակականությունը և ապագայի հանդեպ հավատը։
Այսօր, երբ Ձեր երաժշտությունը կրկին հնչում է Երևանում, մենք ոչ միայն գնահատանքի տուրք ենք մատուցում Ձեր հարուստ ստեղծագործական ճանապարհին, այլև շնորհակալություն ենք հայտնում այն արժեքների համար, որոնք Դուք փոխանցել եք սերունդներին՝ նվիրվածություն արվեստին, ստեղծագործական ազնվություն և մշակույթների միջև երկխոսության գաղափար։
Համոզված եմ, որ Ձեր արվեստը դեռ երկար տարիներ կշարունակի ոգեշնչել երաժիշտների, կոմպոզիտորների և ունկնդիրների նոր սերունդների՝ աշխարհի տարբեր երկրներում»,- խոսքը եզրափակել է նախարարը՝ կոմպոզիտորին մաղթելով քաջառողջություն, ստեղծագործական նոր ձեռքբերումներ։
Նախարարն արվեստագետին 80-ամյակի առթիվ պարգևատրել է ՀՀ կրթության, գիտության, մշակույթի և սպորտի նախարարության մեդալով։
Երեկոյի ընթացքում հնչել են կոմպոզիտորի ստեղծագործությունները՝ մենակատարներ Ալեսանդրո Տավերնայի, Մաքսիմ Նովիկովի և Հայաստանի պետական սիմֆոնիկ նվագախմբի կատարմամբ, դիրիժոր՝ Սերգեյ Սմբատյան։
Համերգային ծրագրում ներառված էին՝ Տոնական նախերգանք, Ալտի կոնցերտ, Դաշնամուրի կոնցերտ թիվ 2 կամերային նվագախմբի համար, Ռապսոդիա-երկխոսություն դաշնամուրի և նվագախմբի համար Արամ Խաչատրյանի թեմաներով, «Sado» սիմֆոնիկ պոեմ նվագախմբի համար
Լույսն ամենաթանկ նվերն է, որ կարող ես տալ մարդուն
Ով կներկայացնի Հայաստանն այս տարի «Մանկական Եվրատեսիլ» մրցույթում
Արգենտինան ներկայացնող Արսեն Ջուլֆալակյանը ոսկե մեդալ նվաճեց
Շարունակում ենք ստուգայցերը ՊՆ զորամասեր (տեսանյութ)
Դեպի Երևան․ ինչպե՞ս (տեսանյութ)
Ջերմ ողջույններ Սյունիքի դարպասներից․ Կլաուդիա Բուշը ԵՄ դեսպանների հետ ուղևորվել է Հայաստանի ամենահա...
Երթևեկության կազմակերպման փոփոխություն՝ Վարդանանց փողոցում
Տուրիստ չեմ` ավտոբուս չկա
Առաջին նոր երգ` հարսանիքից հետո
Էլեկտրաէներգիայի ընդհատումներ կլինեն Երևանում և մարզերում