«Դասարան + Դասական» թատերական կրթական ծրագրի հայտերը կընդունվեն մինչև մայիսի 17-ը
ԿԳՄՍ նախարարության աջակցությամբ մեկնարկում է «Դասարան + Դասական» թատերական կրթական ծրագիրը, որն այս տարի կանցկացվի հունիսի 2-ից 18-ը։
Ծրագրին կարող են դիմել ՀՀ հանրակրթական դպրոցներում և միջին մասնագիտական ուսումնական հաստատություններում սովորող 14–18 տարեկան պատանիները։
Ծրագրին մասնակցությունն անվճար է, մասնակիցների ընտրությունը կատարվում է մրցույթով, որը բաղկացած է երկու փուլից՝
- առցանց հայտի և տեսանյութի ներկայացում,
- հարցազրույց նախնական փուլը հաղթահարած դիմորդների համար։
Մասնակցության համար անհրաժեշտ է՝
- նկարահանել մինչև 3 րոպե տևողությամբ տեսանյութ
- մինչև մայիսի 17-ը լրացնել առցանց հայտը՝ https://forms.gle/9w1DvCS5E9fjzN8b7
Մրցույթի արդյունքում ՀՀ տարբեր դպրոցների 72 աշակերտներհնարավորություն կստանան մասնակցելու «Դասարան + Դասական» թատերական կրթական ծրագրին։
Ծրագիրը կիրականացվի երկու վայրում՝
- Երևանում՝ Գաբրիել Սունդուկյանի անվան ազգային ակադեմիական թատրոնում
- Գյումրիում՝ Վարդան Աճեմյանի անվան պետական դրամատիկական թատրոնում
Երևանում կձևավորվեն դրամատիկ, մնջախաղի, մյուզիքլի և պարի խմբեր, Գյումրում՝ դրամատիկ խումբ։ Ծրագրի ընթացքում մասնակիցները կաշխատեն խմբերով՝ մասնագետների և դասախոսների ղեկավարությամբ։ Ծրագրի ավարտին կստեղծվի էտյուդներից կազմված բեմադրություն, որը կներկայացվի հանդիսատեսին Գաբրիել Սունդուկյանի անվան ազգային ակադեմիական թատրոնում։
Ծրագիրն իրականացնում է Գաբրիել Սունդուկյանի անվան ազգային ակադեմիական թատրոնը․ այն միտված է ամրապնդելու դպրոց–թատրոն կապը և նպատակ ունի նպաստելու մասնակիցների մասնագիտական կողմնորոշմանը, ինչպես նաև ապահովելու մշակութային փորձառություն, գիտելիքների և հմտությունների զարգացում։
«Դասարան + Դասական» թատերական կրթական ծրագրի վերաբերյալ առցանց տեղեկատվական հանդիպումը տեղի կունենա մայիսի 12-ին՝ ժամը 15:00-ին, հետևյալ հղմամբ՝ https://meet.google.com/rxy-ghnn-wqi:
Լրացուցիչ տեղեկատվություն ստանալու համար անհրաժեշտ է գրել [email protected] էլփոստին, հեռ՝ 010-52-57-72 (Աստղիկ Հարությունյան), 055-82-87-66 (Մանե Մկրտչյան), ծրագրի ֆեյսբուքյան էջ՝ https://www.facebook.com/dasaran.dasakan։
Լույսն ամենաթանկ նվերն է, որ կարող ես տալ մարդուն
Ով կներկայացնի Հայաստանն այս տարի «Մանկական Եվրատեսիլ» մրցույթում
Արգենտինան ներկայացնող Արսեն Ջուլֆալակյանը ոսկե մեդալ նվաճեց
Երթևեկության կազմակերպման փոփոխություն՝ Վարդանանց փողոցում
Շարունակում ենք ստուգայցերը ՊՆ զորամասեր (տեսանյութ)
Ջերմ ողջույններ Սյունիքի դարպասներից․ Կլաուդիա Բուշը ԵՄ դեսպանների հետ ուղևորվել է Հայաստանի ամենահա...
Դեպի Երևան․ ինչպե՞ս (տեսանյութ)
Տուրիստ չեմ` ավտոբուս չկա
Առաջին նոր երգ` հարսանիքից հետո
Էլեկտրաէներգիայի ընդհատումներ կլինեն Երևանում և մարզերում