Մատենադարանի գործունեությունը ներկայացվել է Գալուստ Կիւլպէնկեան հիմնադրամում
Մատենադարանի տնօրեն Արա Խզմալյանը հանդիպել է Գալուստ Կիւլպէնկեան հիմնադրամի հոգաբարձուների խորհրդի նախագահ Անտոնիո Ֆեյջոյի հետ, հայտնում են Մատենադարանից։ Նշվում է, որ 2026 թ. մարտի 24-ին Լիսաբոնում Մատենադարանի պատվիրակությունը հանդիպում է ունեցել Գալուստ Կիւլպէնկեան հիմնադրամի ղեկավարության, հիմնադրամի աշխատակիցների և հայ համայնքի ներկայացուցիչների հետ։ Հանդիպումը կազմակերպել է Հիմնադրամի Հայ համայնքների բաժնի ղեկավար Ռազմիկ Փանոսյանը:
Արա Խզմալյանը ներկայացրել է Մատենադարանի գործունեությունը միջազգային գիտական համագործակցության, ձեռագրերի վերականգնման, ցուցադրության և ռազմավարական այլ ոլորտներում:
Հանդիպման ընթացքում կարևորվել է «Մատենագիրք Հայոց» մատենաշարի հրատարակման շարունակականության ապահովումը, ինչպես նաև՝ հայերեն համահավաք ձեռագրացուցակի էլեկտրոնային շտեմարանի ստեղծման գործընթացը, որն իրականացվում է Գալուստ Կիւլպէնկեան հիմնադրամի աջակցությամբ։ Նորաստեղծ հարթակի շնորհանդեսը տեղի կունենա 2026 թ. հուլիսի 22-ին կայանալիք Հայագիտական միջազգային կոնգրեսի շրջանակում:
Արա Խզմալյանը հրավիրել է Հոգաբարձուների խորհրդի նախագահին այցելելու Մատենադարան՝ առավել մանրամասն ծանոթանալու կառույցի բազմաշերտ գործունեությանը:
Լույսն ամենաթանկ նվերն է, որ կարող ես տալ մարդուն
Ով կներկայացնի Հայաստանն այս տարի «Մանկական Եվրատեսիլ» մրցույթում
Արգենտինան ներկայացնող Արսեն Ջուլֆալակյանը ոսկե մեդալ նվաճեց
Երթևեկության կազմակերպման փոփոխություն՝ Վարդանանց փողոցում
Շարունակում ենք ստուգայցերը ՊՆ զորամասեր (տեսանյութ)
Ջերմ ողջույններ Սյունիքի դարպասներից․ Կլաուդիա Բուշը ԵՄ դեսպանների հետ ուղևորվել է Հայաստանի ամենահա...
Դեպի Երևան․ ինչպե՞ս (տեսանյութ)
Տուրիստ չեմ` ավտոբուս չկա
Առաջին նոր երգ` հարսանիքից հետո
Էլեկտրաէներգիայի ընդհատումներ կլինեն Երևանում և մարզերում