Ալիեւը եւ հայաստանյան լրատվական դաշտը

Հետեւելով հայաստանյան լրատվամիջոցներին, Իլհամ Ալիեւը կարող է հանգիստ ծխել եւ ժպտալ:

Նա մեր լրատվական դաշտի թիվ մեկն է:

Բավական է նա մի բառ ասի եւ այդ բառը կայծակնային արագությամբ տարածվում է հայաստանյան լրատվամիջոցներով:

Անշուշտ, միայն չի տարածվում, այլ նաեւ մեկնաբանվում է: Հայտնվում են ադրբեջանագետներ, քաղաքագետներ, որոնք մանրամասնորեն հանրությանը բացատրում են, թե ինչու նա ասաց այդ բառը:

Լրատվամիջոցները մեզ վերածում են Ալիեւի մի մասնիկի, ինչից նա հաստատ գոհ է: Իհարկե, լրատվամիջոցները շտապելու են ասել՝ Նիկոլը մեզ այս օրը գցեց, ինչու եք մեզ մեղդրում:

Նիկոլը շատ մեղքեր է գործել, որեւէ մեկը չի վիճաում, բայց մի՞թե նա է ձեզ պարտադրում Ալիեւին այսքան մանրամասնորեն լուսաբանել: 

Ուր մնաց ազգային արժանապատվությունը, տեղեկատվական անվտանգությունը եւ ամենահասարակ ինքնապաշտպանական բնազդը:

Ես ձեզ վստահեցնում եմ, 1994թ. հրադադարից հետո ադրբեջանական լրատվամիջոցները պարզապես բոյկոտում էին Լեւոն Տեր-Պետրոսյանին, Ռոբերտ Քոչարյանին, իսկ հետո նաեւ Սերժ Սարգսյանին:

Իսկ դուիք ասում եք խոսքի ազատություն եւ դրա անվան տակ հարվածում մեր պետությանը եւ անվտանգությանը:

Top-News.am