Լոպազության ծանր հետեւանքները

Համացանցում տարիներ առաջ նկարահանված մի տեսանյութ է պտտվում: Լրագրողը Մանվել Գրիգորյանին հարցնում է, թե Լեւոն Տեր-Պետրոսյանն առաջարկում է հողեր տալ: Նա էլ ասում է, թե ով ուզում է հող հանձնել, թող իր մորը հանձնի:

Ահա այսպես, ապրում էինք մի ժամանակահատվածում, երբ Հայաստանի քաղաքականությունը որոշում էին կրթություն չստացած, աշխարհաքաղաքական իրավիճակից հարյուրհազարավոր կիլոմետրերով հեռու մարդիկ:

Մենք ապրում էինք լոպազավարի, առանց հաշվի նստելու իրողությունների հետ, առանց հաշվի առնելու բանականության կարծիքը:

Իսկ գիտե՞ք, թե որն է ամենասարսափելին, այն, որ անգամ պատերազմից հետո Հայաստանում կրկին գերիշխողը լոպազությունն է եւ անմտությունը:

Արցախն այսօր կլիներ, արցախում հայեր կապրեին, չէր լինի 44-օրյա դաժան պատերազմը, եթե Հայաստանում որոշում կայացնեին ոչ թե սրճարանային քաղաքագետները, բարձր պաշտոնյաներին քծնողների ահռելի բանակը եւ կրթություն չստացած, բայց բարձր դիրքում հայտնվածները, այլ բանական եւ խիզախ մարդիկ:

Ցավոք, ոչ մի հետեւություն չենք արել: Լոպազությունը կրկին գլուխ է բարձրացնում:

Եւ ամենահետաքրքիրը. երբ ասում ես չի կարելի լոպազանալ, մտածում են, առաջարկում ես սողալ եւ խեղճանալ: Այս տեսակը կամ լոպաանում է կամ սողում:

Top-News.am