Թրամփը Բայդենին մեղադրել է Աֆղանստանից զորքերը դուրս բերելու հարցում անպատասխանատու մոտեցման մեջ
Նախագահ Ջո Բայդենի իշխանության գալուց հետո ամերիկյան զորքերն Աֆղանստանում թողնում են միլիարդավոր դոլարների զենք եւ սարքավորումներ, որոնք ընկնում են արմատական «Թալիբան»-ի ձեռքը: Այս մասին Դալլասում (Տեխաս) ԱՄՆ պահպանողական շրջանակների համաժողովին հայտարարել է ԱՄՆ նախորդ առաջնորդ Դոնալդ Թրամփը, փոխանցում է ՏԱՍՍ-ը:
«Նա [Բայդենը] միլիարդավոր դոլարների սարքավորումներ է թողնում: Ես գեներալներին ասել եմ, որ ուզում եմ վերադարձնել ամեն մի մեխ, ուզում եմ վերադարձնել բոլոր տանկերը: Փոխարենը, այժմ թալիբները շքերթներ են անցկացնում մեր զենքով, որը թողել է Ջո Բայդենը: Ամոթ է»,- ընդգծել է Թրամփը:
Հուլիսի սկզբին Պենտագոնը հայտարարել էր, որ ԱՄՆ-ի եւ ՆԱՏՕ-ի զորամիավորումները լքել են Բահրամի բազան: Դրանից հետո ամերիկյան մի շարք լրատվամիջոցներ հայտնեցին, որ Աֆղանստանի իշխանությունները նախապես չեն նախազգուշացվել այդ մասին: Պենտագոնի մամուլի խոսնակ Ջոն Քիրբին, պատասխանելով լրագրողների հարցերին, հաստատել է, որ ԱՄՆ զինված ուժերը անվտանգության նկատառումներով չեն տեղեկացրել Աֆղանստանի ղեկավարությանը դուրս վերման ժամկետի մասին՝ հավելելով, որ նման ծանուցումն «անպատասխանատու կլիներ»:
Բախումները կառավարական ուժերի եւ «Թալիբան» շարժման միջեւ թեժացան այն բանից հետո, երբ ապրիլի 14-ին Բայդենը հայտարարեց, որ դադարեցնելու է օպերացիան Աֆղանստանում, որը դարձավ ԱՄՆ պատմության մեջ ամենաերկար արտասահմանյան ռազմական արշավը: Հուլիսի սկզբի դրությամբ ԱՄՆ-ն գրթեթ 90 տոկոսով ավարտել էր իր զորքերի դուրսբերումը: Աֆղանստանի պաշտոնատար անձինք բազմիցս հայտնել էին, որ արմատականներն ուժեղացնում են հարձակման տեմպերը:
Քրոջը սպանած տղամարդուն բռնել են զոհի ձեռքերը պայուսակի մեջ քողարկելիս
Ընտանեկան բռնությո՞ւն. Նատալյա Ռոտենբերգը հաղորդում է ներկայացրել ոստիկանություն
Կոտայքում սպասվող 7.4 մագնիտուդով երկրաշարժի մասին լուրը կեղծ է․ ՆԳՆ
Լուկա Մոդրիչը 200-րդ խաղն անցկացրեց Խորվաթիայի հավաքականի կազմում
Ալյասկայում Ուկրաինայի վերաբերյալ համաձայնություն չի եղել. Ռուբիո
«Ուժեղ Հայաստան»-ի պատգամավորի թեկնածուներից 2-ը կալանավորվել են, 4-ի նկատմամբ հայտարարվել է հետախու...
Գեղարքունիքից 303 երեխա հանգստի է մեկնել դպրոցականների ամառային ճամբար
ՀՀ վարչապետ Նիկոլ Փաշինյանի ճեպազրույցը ուղիղ
Դիդիե Դեշամը հրատապ լքել է Ֆրանսիայի հավաքականի ճամբարը
Կամո Ունանյանը վերադարձել է և նոր հաղթանակներ գրանցել