ԱՄՆ պետքարտուղարությունը կոչ է արել շտապ ազատ արձակել բոլոր գերիներին
ԱՄՆ պետքարտուղարությունը հայտարարություն է տարածել Հայաստանի և Ադրբեջանի սահմանային իրադրության վերաբերյալ։
Հայտարարության մեջ մասնավորապես նշվում է, որ
Միացյալ նահանգներն անհանգստացած է Հայաստանի և Ադրբեջանի միջև միջազգային սահմանի երկայնքով վերջին զարգացումներով, այդ թվում` ադրբեջանական ուժերի կողմից մի քանի հայ զինծառայողների ձերբակալման փաստով․
«Մենք երկու կողմերին կոչ ենք անում անհապաղ և խաղաղ կարգավորել այս միջադեպը: Մենք նաև շարունակում ենք կոչ անել Ադրբեջանին՝ շտապ ազատ արձակել բոլոր ռազմագերիներին և այլ ձերբակալվածներին, և հիշեցնում ենք բոլոր ձերբակալվածներին մարդասիրաբար վերաբերվելու՝ միջազգային մարդասիրական օրենսդրությամբ ստանձնած իր պարտավորությունների մասին։
ԱՄՆ-ը Հայաստանի և Ադրբեջանի միջև միջազգային սահմանի ոչ գծանշված տարածքներում ցանկացած տեղաշարժ դիտարկում է սադրիչ և ավելորդ։ Մենք մերժում ենք ուժի կիրառումը սահմանազատման համար ու կոչ ենք անում երկու կողմերին վերադառնալ իրենց նախկին դիրքերը և դադարեցնել չգծանշված սահմանի ռազմական ամրացումն ու ականների տեղադրումը:
Մասնավորապես, մենք կոչ ենք անում Ադրբեջանին իր ուժերը տեղափոխել այն դիրքերը, որ նրանք զբաղեցնում էին մայիսի 11-ին:
Մենք նաև կոչ ենք անում Հայաստանին իր ուժերը տեղափոխել այն դիրքերը, որ զբաղեցնում էին մայիսի 11-ին և ողջունում ենք այդ նպատակով հայտարարությունները: Այս գործողությունները կլիցքաթափեն լարվածությունը և կստեղծեն տարածություն խաղաղ բանակցային գործընթացի համար՝ սահմանը շտապ սահմանազատելու նպատակով»։
ԱՄՆ պետքարտուղարությունը նշել է նաև որ Միացյալ Նահանգները պատրաստ է աջակցել այդ ջանքերին, ապա նաև կոչ արել կողմերին՝ հնարավորինս շուտ վերադառնալ ԵԱՀԿ Մինսկի խմբի համանախագահների հովանու ներքո առարկայական բանակցություններին՝ Լեռնային Ղարաբաղի հակամարտության երկարաժամկետ քաղաքական կարգավորմանը հասնելու համար։
Որոշ հասցեներում 24 ժամ լույս չի եղել, ևս 24 ժամ հնարավոր է չլինի
Էլեն Բադալյանն ու ֆուտբոլիստ Հրանտ Ռանոսը նշանադրվել են
Կամ պայմանավորվում ենք՝ երբ ենք ստորագրում, կամ չենք պայմանավորվում․ Միրզոյանը՝ խաղաղության համաձայն...
Հունվարի 1-ի բոլոր կարեւոր լուրերը
Ամերիկյան կողմի հետ շատ ինտեսիվ աշխատում ենք և 2026թ. երկրորդ կեսին գետնի վրա կունենանք շինարարությո...
Մենք հիանալի հանդիպում ունեցանք․ մենք մոտ ենք, գուցե նույնիսկ շատ մոտ․ Թրամփ
Երբ տեղի կունենա հեռուստաաշտարակի գեղազարդ լուսավորման նոր համակարգի բացման արարողությունը
Շատ արդյունավետ հեռախոսազրույց ունեցա Պուտինի հետ. Թրամփ
Մեր հարաբերությունների խորացումը ԵՄ–ի հետ նպատակ չունի խզել կապերը Ռուսաստանի հետ
Գլխացավեր, ճնշման բարձրացում․ դեկտեմբերի 29-31-ին սպասվու՞մ են մագնիսական փոթորիկներ, ովքե՞ր պետք է ...