«Իմ ամբողջ կյանքի սերը». A$AP Rocky-ն հաստատել է, որ սիրավեպ ունի Ռիհաննայի հետ

Երգչուհի Ռիհաննայի եւ ռեփեր A$AP Rocky-ի սիրավեպի մասին առաջին լուրերը հայտնվել են մոտ մեկ տարի առաջ, սակայն երկար ժամանակ չեն հաստատվել։ Օրերս 32-ամյա երաժիշտը GQ-ին տված հարցազրույցում հրապարակային պատմել է 33-ամյա երգչուհու հետ հարաբերությունների մասին։

«Շատ ավելի լավ է, երբ կողքիդ է միակդ։ Նա միակ է, իմ ամբողջ կյանքը սերը»,- ասել է նա։

Ինսայդերները նշում է, որ զույգը չի ցանկանում սիրավեպը հանրային դարձնել։ «Նրանք այն չեն թաքցնում, պարզապես չեն ցանկանում, որ մարդիկ խառնվեն իրենց չվերաբերող հարցերին։ Երկուսն էլ չեն ցանկանում իրենց նկատմամբ ավելորդ ուշադրություն։ Այդ պատճառով նրանք գաղտնի են հայտնվում նույն վայրում միասին, եւ ոչ ոք այդ մասին չի իմանա, մինչ նրանց միասին չտեսնի»,- նշել է աղբյուրը։

 Ռաքիմ Մայերսը (ռեփերի իսկական անունը), կարծես թե, արդեն պատրաստ է կյանքում կարեւոր քայլի եւ մտածում է ապագայի մասին։ Նա վստահ է, որ հիանալի հայր կլինի։ «Կարծում եմ, որ ես անհավանական, հիանալի հայր կլինեմ։ Ես հիանալի երեխա կունենամ»,- ասել է նա։ Ռեփերի կարծիքով՝ միակ բանը, որ իսկապես կարող է դաստիարակել երեխային, սերն է։

A$AP Rocky-ն Ռիհաննայի հետ ծանոթ է արդեն վաղուց։ Նրանք երկար ժամանակ ընկերներ ու գործընկերներ են եղել, սակայն հետագայում հարաբերությունները պարզապես ընկերականից վերափոխվել են ռոմանտիկ կապի։ Զույգը միասին է անցկացրել Սուրբ ծնունդն աստղի հայրենիքում՝ Բարդաբոսում, նրա մտերիմների հետ։