Հունաստանի արտաքին գործերի նախարար Նիկոս Դենդիասն այցով մեկնել է Իսրայել եւ Գազա
Հունաստանի արտաքին գործերի նախարար Նիկոս Դենդիասն այցով մեկնել է Իսրայել եւ Գազա՝ փորձելով կանխել այնպիսի զարգացումները, ինչպիսիք են Լիբիայի եւ Թուրքիայի միջեւ ծովային սահմանի մասին հուշագրի ստորագրումը, գրում է Kathimerini-ն:
Աթենքը նախազգուշացվել է Թուրքիայի եւ Գազայի հատվածի միջեւ բացառիկ տնտեսական գոտիները սահմանազատման ծրագրերի մասին: Երուսաղեմ, Թել Ավիվ եւ Ռամալլա մեկնելու Դենդիասի որոշումը կայացվել էր վարչապետ Կիրիակոս Միցոտակիսի հետ խորհրդակցելուց հետո` Թուրքիայի նախագահ Ռեջեփ Թայիփ Էրդողանի կողմից Պաղեստինի «միակ պաշտպան» ներկայանալու փորձերի ֆոնին՝Իսրայելի եւ Գազայի հատվածի միջեւ լարվածության ֆոնին: Մինչդեռ Անկարան ճնշում է գործադրում ցրված պաղեստինյան իշխանությունների վրա՝ Հունաստանի Կաստելորիզո կղզու դիմաց Թուրքիայի ափերի մոտ ԲՏԳ-ի սահմանազատման նպատակով:
Նման արդյունքը ոչ միայն լուրջ խնդիրներ կստեղծեր Հունաստանի եւ Կիպրոսի համար, որոնց իրավասությունը կխախտվեր նման սահմանազատմամբ, այլ նաեւ Իսրայելը եւ Թուրքիան մերձեցնելու ջանքերի դագաղի վերջին մեխը կդառնար:
Դենդիասը կհանդիպի իր իսրայելցի գործընկեր Գաբի Աշկենազիի, Երուսաղեմի պատրիարք Թեոֆիլոս III եւ Պաղեստինի վարչապետ Մուհամեդ Շտայեի հետ:
Ի սկզբանե պայմանավորվածություն կար, որ Դենդիասը կհանդիպի իր պաղեստինցի գործընկեր Ռիադ ալ-Մալիքիի հետ: Սակայն ալ-Մալիքին հրաժարվել էր հանդիպել՝ պատճառաբանելով, որ Աթենքն Իսրայելի բարեկամն է եւ ամբողջովին անտեսում է Պաղեստինի դիրքորոշումը:
Դենդիասի այցը տարածաշրջան ի սկզբանե պլանավորված էր Եգիպտոսի արտաքին գործերի նախարար Սամեհ Շուքրիի հետ համաձայնեցմամբ, քանի որ Աթենքը ցանկանում է լիովին ներդաշնակ լինել տարածաշրջանի հիմնական արաբ խաղացողի՝ Եգիպտոսի հետ:
Դենդիասը՝ հակամարտության բռնկումից հետո տարածաշրջան այցելած ԵՄ անդամ պետության առաջին պաշտոնյան, կմասնակցի նաեւ Եվրամիության արտգործնախարարների միջեւ հանդիպմանը տարածաշրջանում տեղի ունեցող զարգացումների վերաբերյալ:
Նույն օրը Դենդիասը կմեկնի Հորդանան՝արտգործնախարար Այման Սաֆադիի հետ բանակցելու համար, իսկ հինգշաբթի կայցելի Կահիրե:
Որոշ հասցեներում 24 ժամ լույս չի եղել, ևս 24 ժամ հնարավոր է չլինի
Էլեն Բադալյանն ու ֆուտբոլիստ Հրանտ Ռանոսը նշանադրվել են
Կամ պայմանավորվում ենք՝ երբ ենք ստորագրում, կամ չենք պայմանավորվում․ Միրզոյանը՝ խաղաղության համաձայն...
Հունվարի 1-ի բոլոր կարեւոր լուրերը
Ամերիկյան կողմի հետ շատ ինտեսիվ աշխատում ենք և 2026թ. երկրորդ կեսին գետնի վրա կունենանք շինարարությո...
Մենք հիանալի հանդիպում ունեցանք․ մենք մոտ ենք, գուցե նույնիսկ շատ մոտ․ Թրամփ
Երբ տեղի կունենա հեռուստաաշտարակի գեղազարդ լուսավորման նոր համակարգի բացման արարողությունը
Շատ արդյունավետ հեռախոսազրույց ունեցա Պուտինի հետ. Թրամփ
Մեր հարաբերությունների խորացումը ԵՄ–ի հետ նպատակ չունի խզել կապերը Ռուսաստանի հետ
Գլխացավեր, ճնշման բարձրացում․ դեկտեմբերի 29-31-ին սպասվու՞մ են մագնիսական փոթորիկներ, ովքե՞ր պետք է ...