Բայդենի` ազգային անվտանգության հարցերով խորհրդականը շփվել է Հայաստանի եւ Ադրբեջանի առաջնորդների հետ
ԱՄՆ նախագահ Բայդենի` ազգային անվտանգության հարցերով խորհրդական Ջեյք Սալիվանն առանձին հեռախոսազրույցներ է ունեցել Հայաստանի եւ Ադրբեջանի առաջնորդների հետ: Այս մասին ասվում է Սպիտակ տան հաղորդագրության մեջ:
Ջեյք Սալիվանը «փոխանցել է Միացյալ Նահանգների հանձնառությունը խաղաղությանը, անվտանգությանը եւ բարգավաճմանը Հարավային Կովկասում»,- ասված է Սպիտակ տան հայտարարության մեջ: «Նա մտահոգություն է հայտնել Հայաստանի եւ Ադրբեջանի միջեւ հարաբերություններում վերջին լարվածության կապակցությամբ եւ շեշտել է, որ չգծանշված սահմանի մոտ զինվորականների տեղաշարժն անպատասխանատու եւ սադրիչ է»:
ԱՄՆ նախագահի` ազգային անվտանգության հարցերով խորհրդականը ողջունել է երկու կողմերի միջեւ ընթացող հաղորդակցությունը եւ երկու առաջնորդների հանձնառությունը խնդրի խաղաղ կարգավորմանը:
Բացի այդ, Սալիվանն «ընդգծել է, որ երկու երկրները պետք է պաշտոնական բանակցություններ վարեն իրենց միջազգային սահմանի գծանշման շուրջ»,- ասվում է Սպիտակ տան հայտարարության մեջ:
Սալիվանը շեշտել է «ԱՄՆ-ի հանձնառությունը խաղաղությանը, անվտանգությանը եւ բարգավաճմանը Հարավային Կովկասում», ինչպես նաեւ` «տարածաշրջանային հաշտեցմանը հասնելուն երկկողմ շփումների միջոցով եւ որպես Մինսկի խմբի»` Եվրոպայում անվտանգության եւ համագործակցության կազմակերպության համանախագահ:
Որ կանայք են հայտնվել ՔՊ ցուցակի առաջին 50 հորիզոնականներում
Նրա արարքը ուղղակի զզվելի էր․ Ֆաբիո Կապելո
Քիմ Քարդաշյան, Դոնալդ Թրամփ․ ԱՄՆ գլխավոր դատախազը հրապարակել է այն հայտնիների ամբողջական ցուցակը, որ...
Ձմեռային Օլիմպիական խաղեր. լեռնադահուկորդ Հարություն Հարությունյանի արդյունքը
Գարեգին Երկրորդ Կաթողիկոսի եղբոր և եղբորորդու խափանման միջոցը փոխվել է
Ֆուտբոլում նրան հավասարը չկա, նա ֆենոմեն է. Վինիսիուս
Մահացել է «Կնքահայրը» և «Ապոկալիպսիս hիմա» ֆիլմերի դերասան Ռոբերտ Դյուվալը
Էլեկտրաէներգիայի ընդհատումներ Երևանում և մարզերում
Բոլոր ճանապարհները բաց են
Սևանի ԲԿ-ն համալրվել է համակարգչային շերտագրման ժամանակակից սարքով