Պուտինը երկրորդ պատվաստումն է ստացել կորոնավիրուսի դեմ

ՌԴ նախագահ Վլադիմիր Պուտինը հայտնել է, որ պատվաստվել է կորոնավիրուսի դեմ դեղամիջոցի երկրորդ բաղադրիչով, հայտնում է ՏԱՍՍ-ը:

«Ես ուզում եմ տեղեկացնել, որ հենց նոր՝ այս սենյակ մտնելուց առաջ, ես ստացա նաեւ երկրորդ պատվաստումը: Հուսով եմ, որ ամեն ինչ լավ կլինի: Նույնիսկ ոչ թե հուսով եմ, այլ համոզված եմ դրանում»,- ասել է Պուտինը Ռուսաստանի աշխարհագրական ընկերության հոգաբարձուների խորհրդի նիստին: Նա նաեւ հույս է հայտնել, որ համավարակը շուտով կնահանջի, այդ թվում՝ պատվաստումների շնորհիվ: