Կասկածում ենք, որ հունիսի 20-ին կլինեն ընտրություններ, անիմաստ ենք համարում մտնել այդ օրակարգի մեջ, ակցիաները շարունակվելու են. Իշխան Սաղաթելյան (տեսանյութ)
Հունիսի 20-ին ընտրություն կազմակերպելու վերաբերյալ Նիկոլ Փաշինյանի հայտարարությունը դեռևս փաստ չէ: Արտահերթ խորհրդարանական ընտրություններ տեղի ունենալու համար անհրաժեշտ է նախ Նիկոլ Փաշինյանի հրաժարականը, այդ ընթացքում խորհրդարանի լուծարում եւ նախագահի կողմից խորհրդարանական ընտրությունների նշանակում: Դեռևս պարզ չէ, այս ընտրությունները կկայանան, թե ոչ: Այդ ստատուսը՝ ընտրությունների վերաբերյալ, մեզ մոտ հավատ չի ներշնչում: Այս մասին հրավիրված ասուլիսի ժամանակ ասաց «Հայրենիքի փրկության շարժման» համակարգողներից, ՀՅԴ ԳՄ ներկայացուցիչ Իշխան Սաղաթելյանը:
«Մենք ունենք բավարար բոլոր հիմքերը չհավատալու, որ հունիսի 20-ին նշանակված ընտրությունները չեն կեղծվի: Նիկոլ Փաշինյանի օրոք ընտրությունների կազմակերպումը ավելի է խորացնելու գոյություն ունեցող ճգնաժամը:
Մենք շարունակում ենք պնդել, որ միակ ճիշտ ճանապարհային քարտեզը մեր առաջարկած տարբերակն է:
Անդրադառնալով շարժման հետագա գործունեությանը՝ Սաղաթելյանը նշեց, որ բողոքի ակցիաները շարունակելու են, հնարավոր են մարտավարական որոշակի փոփոխություններ, Բաղրամյան պողոտան ևս շարունակվելու է փակ մնալ:
Ինչ վերաբերում է ԲՀԿ-ի և ԼՀԿ-ի կողմից արտահերթ ընտրություններին մասնակցելու մասին հայտարարություններին, Սաղաթելյանն ասաց.
«ԲՀԿ-ի հայտարարությունը նորմալ է, իրենք բազմիցս ասել են, որ մասնակցելու են, դա ԲՀԿ-ի բնական իրավունքն է: Մեր գործընկերներից «Հայրենիք» կուսակցությունը ևս հայտարարել է իր մասնակցության մասին: Ցանկանում եմ ընդգծել, որ «Հայրենիքի փրկության շարժման» մեջ կա կոնսենսուս Նիկոլի հեռացման հարցում, մնացած տարբերությունները մոտեցումների մեջ են։ ՀՅԴ-ն չի մտնելու այդ օրակարգի մեջ: Եթե անգամ մնանք միայնակ, մենք շարունակելու ենք մեր պայքարը մինչև վերջ: Մենք գտնում ենք, որ ընտրությունները պետք է կազմակերպվեն առանց Նիկոլ Փաշինյանի: Այդ դեպքում մենք կքննարկենք մեր մասնակցության հարցը»:
Իշխան Սաղաթելյանը անդրադարձավ նաև Լևոն Տեր-Պետրոսյանի այն հայտարարությանը, որ երկրի կառավարումը պետք է հանձնել անկուսակցական փոխվարչապետին, նշեց, որ այս առաջարկը սկզբունքորեն համընկնում է իրենց պահանջների հետ:
Ամփոփելով խոսքը՝ Սաղաթելյանը նշեց, որ շուտով կգումարվի խորհրդի նիստ, որը հանդես կգա հայտարարությամբ ևս մեկ անգամ վերահաստատելով, որ հետքայլ և նահանջ չի լինելու:
Հիտլերի ատրճանակը՝ 42 մլն դոլարով. «Երկրի վրա ամենաթանկարժեք զենքը» հայտնվել է աղմկահարույց դատական ...
Աբդոլլահին նշանակվել է Իրանի զինված ուժերի գլխավոր շտաբի պետ
Շիրակի մարզի որոշ հասցեներում գազ չի լինի
Արարատ Միրզոյանը հեռախոսազրույց է ունեցել Ուկրաինայի ԱԳ նախարարի հետ
«Ուժեղ Հայաստանի» դեմքով Սերժ Սարգսյանը ներկայացված է ԱԺ դահլիճում. Տարոն Չախոյան
Երիտասարդության միջազգային օրվա միջոցառումների ժամանակացույց
Ուիթքոֆ․ Թրամփը Ադրբեջանի և Հայաստանի միջև հակամարտությունը վերածել է խաղաղության հաստատման օրինակել...
ՆԳՆ քրեական ոստիկանները հերթական հանցավոր խումբն են վնասազերծել՝ կասեցնելով նրանց գործունեությունը
Պրոբացիայի ծառայության նախկին ծառայողը մեղադրվում է 9 մլն դրամի հափշտակության մեջ
ԲԸՏՄ-ի վերահսկողության արդյունքում խնայվել է շուրջ 15 մլն խմ ջուր