Լիբանանի վարչապետի կինն ու դուստրը թեթեւ վնասվածներ են ստացել Բեյրութում տեղի ունեցած պայթյունի հետեւանքով
Այս թեմայով
- Բեյրութում պայթած ամիակային սելիտրայով լի բեռը Վրաստանից ուղեւորվում էր Մոզամբիկ
- Բեյրութում բուժքույրը հիվանդանոցի փլատակներից փրկել է երեք նորածնի կյանքը
- Լիբանանում քննարկում են պայթյունի մի քանի վարածներ, այդ թվում «արտաքին ներգործությունը»
- Բեյրութի նավահանգիստը այսօր՝ թռչնի թռիչքի բարձրությունից․ BBC (տեսանյութ)
Լիբանանի վարչապետ Հասան Դիաբի կինը, դուստրը եւ խորհրդականները թեթեւ վնասվածքներ են ստացել Բեյրութի նավահանգստում տեղի ունեցած պայթյունի հետեւանքով, հայտնում է Forbes-ը՝ վկայակոչելով Լիբանանի միջազգային ռադիոհեռարձակման ընկերությանը:
Պայթյունն այնքան հզոր է եղել, որ լսվել եւ զգացվել է Կիպրոսում: Լիբանանի ՆԳՆ-ն հայտարարել է, որ Բեյրութի նավահանգստում ամոնիումի նիտրատ է պայթել: Ըստ որոշ տեղեկությունների՝ պահեստում տեղի է ունեցել կարճ միացում, որը հրդեհ է առաջացրել, որի հետեւանքով էլ նիտրատը պայթել է: Վերջին տվյալներով՝ մահացել է 50 մարդ, վիրավորվել է ավելի քան 2700 մարդ, երկրի իշխանությունները մտավախություն ունեն, որ զոհերի թիվը կարող է աճել: Որոշ մարդիկ դեռ մնում են շենքերի փլատակների տակ: Տեղական հիվանդանոցները գերծանրաբեռնված են: Կարմիր խաչը կոչ է արել արյուն հանձնել՝ տուժածներին օգնելու համար:
Լիբանանի վարչապետ Հասան Դիաբը օգոստոսի 5-ը ազգային սգո օր է հայտարարել: Բեյրութի նահանգապետ Մարվան Աբբուդը տեղի ունեցածը համեմատել է Երկրորդ համաշխարհային պատերազմի ժամանակ Հիրոսիմայում եւ Նագասակիում տեղի ունեցած ատոմային պայթյունների հետ: