Չինաստանում պատահական անցորդը վերջին պահին բռնել է պատուհանից ընկած 3-ամյա երեխային (լուսանկարներ, տեսանյութ)
Չինաստանի հարավ-արևմտյան Գույչժոու նահանգում տղամարդը վերջին պահին բռնել է պատուհանից ընկած 3-ամյա երեխային: Միջադեպի տեսագրությունը հրապարակել է Daily Mail պարբերականը:
Դեպքը տեղի է ունեցել հունիսի 18-ին: 38-ամյա Չեն Հաոն աշխատանքից տուն վերադառնալիս է եղել, երբ լսել է երեխայի լացի ձայն: Նա վերև է նայել ու տեսել, որ 3-ամյա տղա երեխան պատշգամբի ծայրին է նստած:
Հաոն փորձել է հանգստացնել փոքրիկին, սակայն նա սկսել է ընկնել: Կադրերում երևում է՝ ինչպես է չինացին վազում և բռնում ընկնող երեխային: Նրանք երկուսով ընկել են գետնին, նրանց են մոտեցել ականատեսները և փորձել օգնել:
Պարզվել է, որ տղայի մայրը երեխային միայնակ էր թողել և գնացել խանութ: Բժիշկները ստուգել են փոքրիկին և հայտնել, որ երեխան անկման հետևանքով չի տուժել:
Երեխայի մայրը շնորհակալություն է հայտնել Հաոյին՝ իր փոքրիկի կյանքը փրկելու համար:
Բաժանորդագրվեք Top-News.am-ին Telegram-ում