1USD = AMD
1EUR = AMD
1RUB = AMD
Այսօր՝ 19 հունիսի 2019թ., 00:00
Սա ի՞նչ արկղեր են` բեռնված բուլկիներով և ջրերով Քոչարյանի աջակիցները որեւէ բախման չեն մասնակցել Սաուդյան Արաբիան համաշխարհային գերտերություններին կոչ է արել վճռորոշ միջոցներ ձեռնարկել Պենտագոնը հայտարարել է, որ S-400-ների գնման դեպքում պատժամիջոցներ կկիրառի թուրքական ընկերությունների դեմ Թրամփը հայտնել է, թե ինչն իրեն կստիպի Իրանի հետ պատերազմել Արսեն Խառատյանը չի կարող ինձ դատի տալ․ Նարեկ Մալյան Ճապոնիայի ափի մոտ հուժկու երկրաշարժ է տեղի ունեցել Հունաստանը ԵՄ առաջնորդներին կոչ է անում դատապարտել Թուրքիային Արցախի ՊԲ ՀՕՊ ստորաբաժանումների մասնակցությամբ մեկնարկել են մարտական հրաձգությամբ զորավարժություններ Դավիթ Տոնոյանը Գերմանիայի դեսպանի հետ քննարկել է պաշտպանության բնագավառում համագործակցությունը «Նաիրիտ» գործարանի շուրջ ստեղծված իրավիճակի վերաբերյալ հայտարարություն է ընդունվել Արա Վարդանյանը պատասխանել է Արմեն Սարգսյանին Ռոբերտ Քոչարյանի փաստաբանը պատրաստվում է կրկին ինքնաբացարկ ներկայացնել դատավորին Քաղցկեղի զարգացման հավանականությունը մեծացնող 3 սովորություն Ես չեմ կարող սահմանադրական փոփոխություններ նախաձեռնել. Վահե Գրիգորյան Երբ թասիբից խոսում է թասիբ չունեցողը Կիպրոսը Թուրքիայի նկատմամբ ԵՄ կոշտ դիրքորոշման հույս ունի Ինչո՞ւ է Մերկելը ցնցվել Զելենսկիի հետ հանդիպման ժամանակ Բելլա Հադիդը՝ կրկին սկանդալի էպիկենտրոնում. այս անգամ նա «տրորել է» օդանավը «Օրենքով գողերին» բերման են ենթարկել ոստիկանություն Դատարանը հրապարակեց Քոչարյանի և մյուսների գործով բողոքները. դատական նիստը կշարունակվի վաղը Ինչպես է Մերկելը ցնցվում Զելենսկիին դիմավորելու արարողության ժամանակ (տեսանյութ) Ուժեղ տուրբուլենտության գոտում ուղեկցորդուհին սկուտեղի հետ միասին զարկվել է ինքնաթիռի առաստաղին (տեսանյութ) Միշել Պլատինին ցուցմունք է տվել Եվրո-2016-ի անցկացման երկրի ընտրության գործով Եվրոպայի լիգա․ Հայաստանի ակումբների մրցակիցները Իշխան Զաքարյանը հանդիպել է Արթուր Վանեցյանին Ինչո՞ւ «Իմ քայլը» հարցեր չուներ Վահե Գրիգորյանին Ռուսների և վրացիների մասնակցությամբ զանգվածային ծեծկռտուք է տեղի ունեցել Ստամբուլում ԱՄՆ-ը զբաղվում է «Չինաստանը ռազմավարական սպառնալիք է» գաղափարի «արտադրությամբ Աշխարհում պարտվելու առաջին քարը դրվում է հենց այն պահին, երբ քո ներսում թշնամիների որս ու թշնամու հավերժական փնտրտուք է. Նաիրա Զոհրաբյան Ռուսաստանի դեմ պատժամիջոցները չեն վերացվի, «մինչեւ չվերականգնվի Ուկրաինայի ինքնիշխանությունը». Մերկել Կարելի է արդյո՞ք տարեց տարքիում գինի խմել ԵԽԽՎ-ն դատապարտել է Բելառուսում մահապատժի կիրառման նոր փաստը Լարված իրավիճակ դատարանի դիմաց. Ցուցարարները փակել են ոստիկանության բաժնի մուտքը (ուղիղ) Զելենսկիի կինը Բրիջիտ Մակրոնին Ուկրաինա է հրավիրել Չեխիայի արդարադատության նախարարը Նարեկ Սարգսյանին արտահանձնելու վերաբերյալ համաձայնություն չի տվել Թուրքմենստանի նախագահը որդուն նշանակել է նահանգապետ Դատարանը որոշում կայացրեց բերման ենթարկել Հայկ Սագսյանի գործով վկային Պեկինը Վաշինգտոնին կոչ է անում թուլացնել Իրանի վրա ծայրահեղ ճնշումը ԱՄՆ-ը միջազգային ճանաչում է ստացել խոսքի եւ մարդասիրական նորմերի խախտման պատճառով. ԻԻՀ նախագահ Ջիգարխանյանի նախկին կնոջից պահանջում են պարտքերը Ադրբեջանի պատվիրակությունը փորձում էր ԼՂ հակամարտության թեմայով հարցեր հնչեցնել Հենրիխ եւ Մոնիկա Մխիթարյանների պարը հարսանյաց հանդեսի ժամանակ Ղազախստանում հետընտրական բողոքի ցույցերի ժամանակ 5 օրվա ընթացքում շուրջ 4000 մարդ է բերման ենթարկվել. երկրի ՆԳՆ Երևանում հայտնաբերվել են կեղծ թղթադրամներ պատրաստողն ու իրացնողը Թուրքիայի իշխանությունները մտադիր են Գյուլենի հետ կապ ունենալու կասկածանքով 128 մարդու ձերբակալել «Միջազգային իրադրությունը մեզ թույլ չի տալիս Ղարաբաղում պատերազմ սկսել». Զաքիր Հասանով Չեմպիոնների լիգա․ «Արարատ-Արմենիայի» մրցակիցը Արդարադատության համակարգը կատարում է իշխանության հրահանգները և քաղաքական հետապնդում է իրականացնում Ռ. Քոչարյանի նկատմամբ. բողոքի ակցիա Վերաքննիչ դատարանի դիմաց Քոչարյանի գործով դատավորը մերժեց իր ինքնաբացարկի միջնորդությունները Մոսկվայում հրդեհման և գողության մեղադրանքով ադրբեջանցի երգիչ է ձերբակալվել «Մենք որևէ ազգի պատերազմ չենք հայտարարի». Իրանի նախագահ 99 կողմ, 23 դեմ․ Վահե Գրիգորյանն ընտրվեց ՍԴ դատավոր «Բարգավաճ Հայաստանի» պատգամավորը խիստ քննադատել է ՍԴ դատավորի թեկնածուին Իտալիան ցանկանում է Եվրոպայում դառնալ Վաշինգտոնի մերձավորագույն գործընկերը. Մատեո Սալվինի Քոչարյանի գործով դատավորը մերժեց ինքնաբացարկի միջնորդությունը «Իմ տղաները». Քիմ Քարդաշյանը 2 որդիների մասնակցությամբ լուսանկար է հրապարակել «Հայաստան» համահայկական հիմնադրամը պետք է դառնա մեր համազգային բյուջեն. Նիկոլ Փաշինյան Ամբողջովին այրվել է Նազիկ Ամիրյանի ծիրանի այգին, որը պետությանը չէր նվիրաբերվել Միշել Պլատինին ձերբակալվել է Ֆրանսիայում Արեւմտահայերենը անհետացման վտանգի տակ է. Հայկակ Արշամյան ԱԱԾ-ն հայտնում է նոր բացահայտման մասին. խոսքը Սյունիքի նախկին մարզպետի մասին է Ադրբեջանի պաշտպանության նախարարն անհեթեթաբար բերնից թռցրել է Թուրքիայի նախկին վարչապետ Յըլդըրըմն օգնության է շտապել վթարի ենթարկված մոտոցիկլավարին (լուսանկարներ) «Մենք չենք կարող փչացնել հարաբերությունները մեր հիմնական ռազմավարական գործընկերոջ՝ Ադրբեջանի հետ». Վրաստանի ԱԳՆ Հերթական անիմաստ վթարը Ադրբեջանի ՊՆ-ն հաստատել է զորավարժությունների ժամանակ արձակված արկի՝ Գյանջայի տներից մեկի վրա ընկնելու մասին տեղեկությունը (լուսանկարներ) Լցանավերի միջադեպից հետո ԱՄՆ հզորացնում է զորքը Մերձավոր Արևելքում Զելենսկին Եվրամիությանը կոչ է անում ուժեղացնել ճնշումը Ռուսաստանի վրա Տոնախմբվել է Ս. Գայանյանց կույսերի հիշատակը Փարիզում աճուրդի ժամանակ կցուցադրվի ատրճանակը, որով Վան Գոգն ինքնասպան է եղել Որոշ ուժեր Հայաստանում նպաստում են մեր պոտենցիալի իմիջի խեղաթյուրմանը. վարչապետ Մրգաստանի գյուղապետին մեղադրանք է առաջադրվել՝ յուրացումներ կատարելու համար «Հայաստան» համահայկական հիմնադրամը ռազմավարությունը փոխում է Մխիթար Հայրապետյանը դադարեցնում է Եվրանեսթում հայկական պատվիրակության ղեկավարի լիազորությունները «Ղրիմն ու Դոնբասն Ուկրաինայինն են». Զելենսկի ՀՀ ՍԴ դատավորի թեկնածուն խոստովանել է, որ «ընկերներ» ունի «Իմ քայլը» դաշինքում «Սիրիան Թուրքիայի հետ ռազմական բախում չի ցանկանում». Սիրիայի արտգործնախարար Լուվրի թանգարանում «Մոնա Լիզա» կտավի վիրտուալ ցուցադրությունը հասանելի կլինի հոկտեմբերից (լուսանկարներ) Փրկարարներն ազատել են գլուխը դույլի մեջ արգելափակված արջին (տեսանյութ)
Հարցում

«Նրանք, ովքեր հարձակվում են միասին». Վահե Հովհաննիսյան

1994 թվականի Ռուանդայի ցեղասպանության հիմնական գործը արել է հուտուների «Ինտերահամվե» կամավորականների խմբավորումը։ Կինյառուանդա լեզվով Ինտերահամվե թարգմանաբար նշանակում է «նրանք, ովքեր հարձակվում են միասին»։ Այդ ցեղասպանությունը պատմություն է այն մասին, թե ինչ անմարդկային արհավիրքների կարող է հասցնել հասարակության մեջ ատելության քարոզը, անհանդուրժողականությունը, ներքին թշնամանքը։


Նախաքաղաքացու օրը

Կհամարձակվեմ պնդել, որ մենք հայ հասարակությանը չենք ճանաչում։ Մենք լավ չենք պատկերացնում նրա շերտերը, նրա թաքնված ագրեսիայի պոտենցիալը, նրա իրական արժեքները և մնացած՝ այլ հասարակություններին բնութագրող որակները։

Պատմությունը եղել է ծանր, ուսումնասիրությունները՝ քիչ։

Մենք դեռևս ապրում ենք ուրիշների և հաճախ՝ ինքներս մեր մասին հորինած պատկերացումների և հորինվածքների շրջանակում։

Հետևաբար՝ ինքնաճանաչման փուլը, իրական ընկալման, դժվար խոստովանությունների փուլը առջևում է։ Եվ ոչ ոք չի կարող գուշակել, թե ինչերի է դա բերելու։ Ջինը արդեն բաց է թողնված, պրոցեսը կարծես թե անդառնալի է։ Եթե այս պրոցեսը մատնվի ինքնահոսի՝ միտումնավոր կամ ոչ միտումնավոր, բայց անգրագիտության պատճառով սխալ ուղղորդվի, մենք ստանալու ենք մի իրականություն, որից միայն խուսափել է պետք։ Կա մեկ ճանապարհ՝ շատ զգույշ ու գրագետ ազդել պրոցեսների վրա, կրթել հասարակություն, թույլ չտալ վտանգավոր միտումներ։

Երբ հարթակից հնչեց հասարակությունը սև ու սպիտակի բաժանելու հրահանգը, երբ հորինվեց հեղափոխություն և հակահեղափոխություն բաժանումը, հնի ու նորի բանաձևը, ինձ համար պարզ էր, որ սխալի ստարտի կոճակը սեղմել ենք։ Իսկ երբ նկատեցի, որ հարթակում՝ բանախոսի հետևում կանգնած կիրթ մարդիկ ծափահարում են, այլևս չմնաց ոչ մի կասկած, որ մտնում ենք բարդ ու վտանգավոր փուլ։

Եթե հարթակը ավելի զուսպ լիներ, կարելի էր ենթադրել, որ կա մի շերտ, որը հասկանում է, որ որևէ դեպքում, որևէ նպատակի համար չի կարելի հասարակությունը բաժանել ներքին թշնամիների։ Որովհետև դրանից մինչև «Նրանք, ովքեր հարձակվում են միասին» հեռու չէ։

Ոչ մի դեպքում չի կարելի հայ հասարակությանը խրախուսել մատնություն անել. դեմը չենք առնի։ Դրա սաղմերն արդեն նկատվում են։ Այս հասարակությանը դեռ ոչ ոք չի բացատրել 37-ի սուտ մատնության և «հանուն ճշմարտության և օրենքի» վարքագծի տարբերությունը։ Տնտետուն, գյուղ առ գյուղ թշնամանալու են, ու հետո երկար տարիներ հնարավոր չի լինելու հաշտեցնել։

Այս հասարակությունը չգիտի շատ բաներ, որովհետև չեն ասել, չեն սովորեցրել՝ սերունդներ շարունակ։ Փոխարենը՝ փայլուն գիտի մեկի վրա զանգվածային, «շատով» հարձակվելու արվեստը։ Տրանսգենդերի պատմությունից միակ շահողը Նազենի Ղարիբյանն էր։ Մինչ տրանսգենդերի ելույթը հայ հասարակության թիվ մեկ կոնսոլիդացված թիրախը Ն. Ղարիբյանն էր։ Մեր հասարակությունն անընդհատ սպասում է, որ մեկին նշանակեն թիրախ, ու իրենք տոտալ զանգվածներով հարձակվեն։ Ապահով հարձակվեն։ Նազենի Ղարիբյանի վրա հարձակվել էին բոլորը ու նաև նրանք, ովքեր երբևէ օպերան ներսից չեն տեսել, և այդ հեռանկարը նրանց չի սպառնում։ Տրանսգենդերը փրկեց Նազենիին՝ իր վրա վերցնելով համայն հայության ցասումը։

Բայց այս շղթան շատ դժվար է լինելու կանգնեցնել. վաղը կմոռանան տրանսգենդերին ու կանցնեն հաջորդին, հետո՝ մյուսին, հետո՝ հարյուրերորդին։ Ենթադրաբար՝ ոմանց հանդեպ ագրեսիան սոցցանցերից մի օր կանցնի իրական կյանք, ու մենք կունենանք հաշվեհարդարների սահմռկեցուցիչ պատմություններ։

Այս հասարակությանը ոչ ոք երբևէ չի կրթել, բայց մինչև վերջին գիծը օգտագործել են նրա անկրթությունը. օգտագործել, օգտագործել, օգտագործել։

Այս առումով ամենաբնորոշը Հայաստանի ամենաթունավոր հարթակին վերածված՝ օպերայի հարթակն էր։ Անկախության ձևավորման տարիների ազնիվ, ինքնաբուխ, ազատ մտքի հարթակից այն սահուն փոխակերպվեց քաղաքական հաշվենկատ առևտրի ու մանիպուլյացիաների հարթակի։ Գուցե ՝ դա համարժեք պատասխանն էր իշխանությունների՝ ոչ հասուն քաղաքական պահվածքի և այլ որակների։ Ինչ էլ որ լինի պատճառը, հետևանքն եղավ այն, որ, վաղ 2000-ականներից սկսած, այս հասարակության տարբեր սերունդներին թունավորել ու մոլորեցրել են այդ հարթակից, ներշնչել սեփական շահով պայմանավորված գաղափարներ, ներարկել ատելություն, սերմանել պառակտում ու թշնամանք, տարածել ամենագռեհիկ ստերը՝ բամբ, ճղճղան, երգեցիկ, հոգևոր և այլ տիպի ձայներով։ Նայած, թե ով՝ ինչ փուլում։ Այսօր այդ հարթակն իր բովանդակային ու գեղագիտական ողջ «հմայքով» սահուն տեղափոխվել է սոցիալական ցանցեր։

Այն, ինչը սկսվեց կատարվել սոցիալական ցանցերում մեկ տարի առաջ ու շարունակվում է առ այսօր, դա մենք ենք, մեր հասարակությունը։ Եթե մարդը դրսևորում է նման վարքագիծ ու արժեհամակարգ սոցցանցերում, ապա նույնին ընդունակ է տանը, ընտանիքում, աշխատավայրում, բանակում, փողոցում՝ ամենուր։ Սա ինքնին արդեն լրջագույն խնդիր է։ Սրա ամենալուրջ պատնեշը, ամենաէֆեկտիվ լուծումը կլիներ այն, որ նոր իշխանությունը որպես քաղաքացի լիներ ավելին, քան՝ իր համակիրների սոցցանցը։

Իշխանությունը Հայաստանում միշտ պետք է լինի ավելի զուսպ, քան հասարակությունը, ավելի հանդուրժող, քան հասարակությունը, ավելի լայնախոհ, քան հասարակությունը, ավելի հստակ, քան հասարակությունը։ Երբեք իշխանությունը Հայաստանում չպետք է տուրք տա հանրային ագրեսիվ կամ հետադիմական հոսքերին։ Երբեք, ոչ մի պայմանով։ Իսկ այսօրվա պայմաններում թերևս կա անհրաժեշտություն՝ միասին տոնելու մի օր, և այն պիտի կոչվի Նախաքաղաքացու օր։

Շատ զգույշ պետք է լինել լրատվամիջոցների և լայվերի զանգվածային ազդեցության հարցում։ Դրանք մեր տիպի հասարակությունների վրա ունենում են տասնապատիկ ավելի ուժեղ ազդեցություն, և շատ հեշտ է այս կամ այն մարդու կամ խավերի հանդեպ չարություն ու թշնամանք ձևավորել։ Սա շատ խաբուսիկ հաջողություն է, որովհետև անձերը ժամանակի ընթացքում կփոխվեն, իսկ սերմանված չարությունը շատ երկար է մնալու և անընդհատ ձգտելու է պարպվել՝ նոր հասցեներ փնտրելով։ Կար մի լրատվամիջոց՝ «Հազարավոր բլուրների ազատ ռադիո և հեռուստատեսություն» RTLM, որը մի երկրում այնքան սև ու սպիտակի քարոզ արեց, որ դա վերջացավ աննկարագրելի ողբերգությամբ։

«Ատելության ռադիոները», ճակատագրի հեգնանքով, իրենց անվան մեջ հաճախ կրում են «ազատ» և «ազատություն» բառերը։

Շատ զգույշ պետք է լինել լայվերի դաշտում։ Որովետև ոչ մի ֆեյք երբեք այդքան վնաս չի կարող տալ, այդքան պառակտում ու անորոշություն չի կարող տարածել, որքան՝ պաշտոնյայի հստակ անուն ազգանունով լայվը։

Հայ հասարակության բոլոր շերտերը բացահայտված չեն. սա դեռ մութ անտառ է, երբեք չի իմացվի՝ ինչպիսին են լինելու ռեակցիաները, հետևանքներն ու հետևությունները։

Երբ որևէ աշխատասենյակում հերթական անասունի նամակը կպատրաստվի, հիշել է պետք, որ լուրջ իշխանությունը Հայաստանում բոլորովին այլ խնդիր ունի՝ կրթել, հանդարտեցնել հասարակությանը։ Հակառակը լրիվ այլ տեղ է տանելու։ Նամակ է՝ կհորինվի, կտարածվի, կանցնի, բայց զանգվածները կդառնան ավելի մոլորված ու անփարոս։

Այս պայմաններում ցանկացած մարդու կամ ցանկացած գաղափար կարելի է սարքել թիրախ ու «ագրեսիվ շատով» հարձակվել վրան։

Այս ամենի զուգահեռ պրոցեսը վախն է։ Երբ գործում է «նրանք, ովքեր հարձակվում են միասին» օրենքը, մնացածը սկսում են զգուշանալ, վախենալ։ Վախը խժռում է անհատականությունը, անհատի ձայնը։ Մյուսները, որոնք չեն կիսում զանգվածի տեսակետը, սկսում են վախենալ՝ իրենց ձայնը բարձրացնել, իրենց անհամաձայնությունն ասել։ Երբ ամիսներ առաջ սկսվեց ուղղորդվող տեղեկատվական արշավը Ռ. Քոչարյանի դեմ, երբ նրան սկսեցին մեղադրել բոլոր հնարավոր և անհնարին մեղքերում, շատերը, որոնք հասկանում էին, որ գործի մեծ մասը ուղղորդվող բանահյուսություն է, վախեցան բարձրաձայն դա ասել։ Դիմացը ագրեսիվ շատն էր՝ իր ուղղորդվող չարությամբ։ Ու հանկարծ չմտածեք, թե դա ընդամենը Քոչարյանի անձով էր պայմանավորված։ Երբ բազմությունը ամենավերջին բառերով հարձակվեց «Իմ քայլի» կառավարության անդամ Նազենի Ղարիբյանի վրա, «Իմ քայլի» անդամները (որոնք, ի դեպ, շատ լավ գիտեին, որ դա Ն. Ղարիբյանի խաղը չէր), նրա համար չպայքարեցին, չպաշտպանեցին, դուրս չեկան «շատի» դեմ, գերադասեցին չերևալ, քանի որ դիմացը շատով էին։ Հետևաբար՝ ոչ ոքի թող չթվա թե, ինքը ապահովագրված է, ու երբ «շատը» մի օր կհարձակվի իր վրա, իր թիմերն ու թիմակիցները, համախոհներն ու լայնախոհները ամուր կկանգնեն։

Ի՞նչ լուծում կա

Մենք պետք է հասկանանք խնդրի կարևորությունը։ Սա տեսական քննարկում չէ, սա շատ կոնկրետ հարց է՝ կոնկրետ իրականությամբ և կոնկրետ հետևանքներով։ Պետք է զգույշ լինել կախելու, այրելու, մատնելու, ուրանալու սողացող միտումներից։
Մենք պետք է ձևակերպենք նոր խաղի կանոն. որևէ շահի, որևէ նպատակի համար այսուհետ թույլ չտալ ներքին բարիկադներ, ներքին բաժանումներ, ներքին թշնամության սերմանում։

Մենք պետք է շատ զգույշ լինենք ազգային անվտանգությանը վերաբերող ձևակերպումների մեջ, հանկարծ որևէ վտանգավոր գաղափար չդրվի շրջանառության ու չշահի հանրության սիրտը (կարմիր թուրքերին Ղարսը հանձնելու օրինակով)։

Շատ կարևոր է, որ իշխանությունը բոլոր կարևոր հարցերի շուրջ ճիշտ ժամանակին և հստակ ձևակերպի իր տեսակետները։ Սա վերաբերում է բոլոր իշխանություններին։ Անկարծիք, անկայուն տեսակետներով իշխանությունը ամենապարարտ միջավայրն է՝ վտանգավոր հասարակական տրամադրությունների զարգացման համար։ Ցավոք, մեր հանրային ինստիտուտները դեռևս մեծ դժվարությամբ են գեներացնում առողջ գաղափարներ, և, որպես կանոն, պաշտոնական տեսակետի բացակայության դեպքում, հակագիտական ու հակաօրինական մտքերի հեղեղ է սկսվում։

Երբեք չի կարելի հասարակությանը մատուցել թիրախներ. ոչ մի շահի, ոչ մի նպատակի համար։ Դա վերջ չունեցող պրոցես է։ Եվ սա բոլորից ավելի արագ պետք է հասկանան ԱԺ-ի 88-ը և կառավարության անդամները։ Որոշ ժամանակ անց նրանք են դառնալու թիրախը. դա պետք է հիմա գիտակցել՝ բարձր վարկանիշի պահին։ Պետք է այս պահից սկսած անել ամեն ինչ, որ այդ ժամանակ տրամադրությունները չլինեն անկառավարելիության հասնող ագրեսիվ։

Վահե Հովհաննիսյան

«Այլընտրանքային նախագծեր խումբ»

website by Sargssyan