Մոլդովայում արգելվեցին ռուսաստանյան լրատվական հաղորդումները
Այս թեմայով
Մոլդովայում ուժի մեջ է մտել ռուսաստանյան լրատվական հաղորդումների արգելման մասին օրենքը:
Օրենքը արգելում է Մոլդովայի տարածքում հեռարձակել ռազմական կամ քաղաքական այն հեռուստա- և ռադիոհաղորդումները, որոնք պատրաստված են Անդրսահմանային հեռուստատեսության մասին եվրոպական կոնվենցիան չվավերացրած երկրներում, մասնավորապես՝ Ռուսաստանում:
Ռուսաստանից ժամանցային և այլ հաղորդումների վերահեռարձակումը Մոլդովայում նույնպես արգելված է:
Երկրի նախագահ Իգոր Դոդոնի կարծիքով՝ այդ օրենքը «Մոլդովայի քաղաքացիների ազատությունների նկատմամբ բացահայտ ոտնձգություն է»: Փետրվարի 10-ին Մոլդովայի խորհրդարանի խոսնակ Անդրիան Կանդուն ստորագրել է օրենքը, որը երկու անգամ նախագահի կողմից ետ է ուղարկվել: Դրանից հետո Սահմանադրական դատարանը ժամանակավորապես հեռացրել է նախագահին պաշտոնից և լիազորել խորհրդարանի խոսնակին ստորագրել օրենքը: