ԵՄ-ն Բելառուսին կոչ է արել չտեղակայել ռուսական միջուկային զենք իր տարածքում
![](/timthumb.php?src=/disc/27-03-23/1f19064efa7dcf6efabe2cf8ac7a417a.jpg&w=708)
ԵՄ դիվանագիտության ղեկավար Ժոզեպ Բորելը կիրակի օրը Բելառուսին կոչ է արել չտեղակայել ռուսական միջուկային զենք իր տարածքում՝ հայտարարելով, որ այդ դեպքում նա կարող է նոր պատժամիջոցների ենթարկվել։
«Բելառուսի կողմից ռուսական միջուկային զենքի տեղակայումը կնշանակի անպատասխանատու էսկալացիա եւ սպառնալիք եվրոպական անվտանգությանը։ Բելառուսը դեռ կարող է կանգնեցնել դա, դա նրանց ընտրությունն է։ ԵՄ-ն պատրաստ է պատասխանել հետագա պատժամիջոցներով»,- գրել է Բորելը Twitter-ում:
ԵՄ-ի արձագանքը հաջորդել է Բելառուսում ռուսական մարտավարական միջուկային զենքի հնարավոր տեղակայման մասին Ռուսաստանի նախագահ Վլադիմիր Պուտինի հայտարարությանը, որն արժանացել է ԱՄՆ-ի, ՆԱՏՕ-ի եւ Ուկրաինայի քննադատությանը։