Թրամփը հայտնել է փոխնախագահի իր թեկնածուի անունը

ԱՄՆ նախագահական ընտրություններում Հանրապետական կուսակցության թեկնածու Դոնալդ Թրամփը հայտարարել է փոխնախագահի իր թեկնածուի անունը՝ սենատոր Ջեյմս Դեյվիդ Վենս, հայտնում է BBC-ն։

Ծնունդով Օհայոյից 39-ամյա սենատորը կարող է գրավել աշխատավոր դասի այն սպիտակամորթ ընտրողներին, որոնք դժկամությամբ են քվեարկել Թրամփի օգտին 2016 թվականին։

Միևնույն ժամանակ, Վենսն ունի հեղինակավոր Յելի համալսարանում ուսանելու և վենչուրային կապիտալի ոլորտում աշխատանքի տպավորիչ փորձ:

Վենսն ութ տարի առաջ նախագահական մրցավազքից առաջ քննադատել է Թրամփին, ինչը դեմոկրատներն անկասկած կմատնանշեն, բայց դրանից հետո նա դարձել է նախկին նախագահի պաշտպանը, հատկապես հեռուստատեսային լրատվական ցանցերում: Ուստի նրա հավատարմությունն ու արդյունավետությունը որպես քաղաքական գործիչ, անշուշտ, ազդել են Թրամփի որոշման վրա:

Reuters-ի փոխանցմամբ՝ Վենսը մոտ է Թրամփին արտաքին, ներքին և տնտեսական քաղաքականության վերաբերյալ իր հայացքներով՝ նա տնտեսական պոպուլիստ է։

Վենսը պատկանում է Կոնգրեսի հանրապետականների խմբին, որը վեց ամսով հետաձգեց ամերիկյան օգնությունն Ուկրաինային։ Նա և իր համախոհները կարծում են, որ ԱՄՆ-ն առաջին հերթին պետք է կենտրոնանա հարավային սահմանի ամրապնդման և անօրինական ներգաղթի դեմ պայքարի, ինչպես նաև Չինաստանի դեմ պայքարի վրա։

Վենսը ոչ նպատակահարմար է համարում ռազմական օգնության ցուցաբերումն Ուկրաինային:

Հիշեցնենք, որ Հանրապետական կուսակցությունը նախօրեին Թրամփին պաշտոնապես առաջադրել է որպես ԱՄՆ նախագահի թեկնածու։

Այս թեմայով Թրամփը կխուսափի իմպիչմենտից՝ Իրանին հարվածելու պատճառով Հաագայում հանդիպել են Թրամփը և Էրդողանը․ քննարկել են տարածաշրջանային և գլոբալ հարցեր Թրամփը հավանություն է տվել Իրանին հարված հասցնելուն գոլֆ խաղալիս Թրամփն Իրանի «անվերապահ հանձնում» է պահանջում Հստակ գիտենք, թե որտեղ է թաքնված «Իրանի գերագույն առաջնորդը, առայժմ չենք ուզում վերացնել նրան, բայց մեր համբերությունը սպառվելու վրա է. Թրամփ