Արքայազն Հարին խոստովանել է, որ ԱՄՆ տեղափոխվելուց հետո երջանիկ չէ

Թագավորական պարտականությունները պաշտոնապես վայր դնելուց հետո 35-ամյա արքայազն Հարին զրկվել է ոչ միայն պետական գանձարանից ֆինանսական օգնությունից ու բրիտանական թագավորական ընտանիքի ավագ անդամի տիտղոսից, այլեւ իր զինվորական կոչումներից։ Եղիասաբեթ թագուհու թոռն ընկերներին հայտնել է, որ ԱՄՆ-ում երջանիկ չէ, ուր տեղափոխվել է թագավորական ընտանիքից բաժանվելուց հետո։

Նախկինում նրա կինը՝ Մեգանը, երջանիկ չէր Մեծ Բրիտանիայում, ուր տեղափոխվել էր՝ 2018թ.-ի մայիսի 19-ին արքայազն Հարիի կինը դառնալով։ Զույգը բողոքում էր, որ իրենց հետապնդում են պապարացիները, եւ նրանք նախ տեղափոխվել են Կանադա, ապա՝ Մեգանի համար հարազատ Լոս Անջելես։

Այժմ արդն հայտնի է դարձել, որ Հարին սկսել է բողոքել հուզական վատ վիճակից։ Սասեքսի դուքսն ընկերներին պատմել է, որ իրեն պակասում է ընկերության բանակային ոգին։ Մեգան Մարքլի ամուսինը խոստովանել է, որ մինչեւ այժմ ուշքի չի եկել եւ չի կարողանում հավատալ տեղի ունեցածին, երբ իր կյանքը փոխվել է 180 աստիճանով, Daily Telegraph-ի հետ զրույցում հայտնել է ինսայդերը։