Մարտիրոսյանն ու Սլեպակովը նոր շոու են թողարկում

Comedy Club կատակերգական շոուի գեղարվեստական ղեկավար եւ հաղորդավար Գարիկ Մարտիրոսյանը մանրամասներ է ներկայացրել երգիչ եւ երաժիշտ Սեմյոն Սլեպակովի հետ նոր շոուի նախապատրաստման մասին։ Այս մասին նա պատմել է «Яндекс.Эфире»-ի Սոֆիկո Շեվարդնաձեի «Просто о сложном» թոք-շոուի ժամանակ։

«Մենք ուզում ենք երաժիշտներ հրավիրել ստուդիա եւ ասում ենք․ «Հիմա մեկ ժամվա ընթացքում մենք Սեմյոնի հետ կյանքիդ ամենալավ հիթը կգրենք։ Երգ, որն ուղղակի կփայթեցնի բոլորին»», - որոշ մանրամասնել բացահայտել է Գարիկը։

Շոումենի խոսքով՝ հանդիսատեսը կկարողանա հետեւել հրավիրված կատարողների համար ապագա հիթի ստեղծման յուրաքանչյուր փուլին:

«Սա ստեղծագործական հրաշք է․ մենք ցանկանում ենք իրապես ցույց տալ, թե ինչպես ենք գրում բառեր, երաժշտություն, ինչպես ենք կատարում գործիքավորումը», - ասել է Մարտիրոսյանը: Ցավոք, նա դեռ չի հստակեցրել, թե երաժիշտներից ում է ծրագրում հրավիրել նոր շոուին, նրա թողարկման ժամկետները նույնպես չի հստակեցրել: Փոխարենը նշել է միտումը. այսօրվա դրությամբ հենց բլոգինգի ձեւաչափը ժողովրդականություն է վայելում հումորիստների շրջանում: «Այժմ թրենդում բլոգերի հումորն է»։

Այն, որ շոուն հայտնի է լինելու, կասկած չունենք։