Երեխաներս պետք է սովորեն ոսկե կանոնը՝ մարդկանց հետ շփումը՝ առանց համակարգիչների, գաջեթների. Ալլա Պուգաչովա

Ռուսական էստրադայի պրիմադոննա Ալլա Պուգաչովան իր՝ «Հենց այդ համերգը» ֆիլմի պրեմիերային ընդառաջ ռուսական Առաջին ալիքին հարցազրույց է տվել: Հարցազրույցի ժամանակ Ալլա Բորիսովնան խոսել է ոչ միայն իր ստեղծագործական կյանքի, այլ նաև իր ընտանիքի մասին:

Պուգաչովան շատ հազվադեպ է հարցազրույցներ տալիս: Այդ պատճառով Առաջին ալիքի «Վրեմյա» լրատվական հաղորդման եթերում նրա հարցազրույցին երկրպագուներն անհամբերությամբ են սպասել:

Հարցազրույցի ժամանակ հեռուստահաղորդավար Բորիս Կլեյմենովը և Ալլա Պուգաչովան քննարկել են երգչուհու՝ ապրիլին կայացած հոբելյանական շոուն և երգչուհու նոր՝ «Հենց այդ համերգը» ֆիլմը, որը շուտով կինոթատրոններում կհայտնվի: Պրիմադոննան խոստովանել է, որ հրաժարվել է Ռուսաստանի քաղաքներում համերգային շրջագայությունից, ինչի պատճառը երգչուհու առողջական վիճակն է:

«Հենց այդ պատճառով էլ որոշեցի ստեղծել ֆիլմը: Արևմուտքում այս ձևաչափը բավականին տարածված է: Մեր երկրում այդ գործում առաջամարտիկը ես եմ. այդ պատճառով շատ էինք անհանգստանում՝ ինչպես կստացվեր ամեն ինչ»,- ասել է Պուգաչովան:

Հատկանշական է, որ ֆիլմում շատ քիչ հին հիթեր կան. դրանց թիվը չորսն է:

«Ես ընտրել եմ երգեր, որոնք ինձ ուղարկում են. այնպիսի երգեր, որոնք համապատասխանում են իմ ներկայիս եսին կամ շոշափում են այն խնդիրները, որոնք ինձ անհանգստացնում են»,- նշել է Պուգաչովան:

Հարցազրույցում պրիմադոննան չէր կարող չանդրադառնալ երեխաներին՝ Լիզային և Գարիին: Ալլա Բորիսովնան հեռուստադիտողի հետ կիսվել է դաստիարակության մի քանի գաղտնիքով: Օրինակ՝ երգչուհին հայտնել է, որ երեխաները չունեն համակարգիչ և հեռախոս:

«Նրանց համար դեռ վաղ է դրսից տեղեկատվություն ստանալ: Նրանք այդ տեղեկատվությունը պետք է ընտանիքում ստանան: Երեխայի դաստիարակությունը հենց այդ ուղղվածությունը պետք է ունենա: Նրանք հաջորդ տարվանից դպրոց կհաճախեն: Եթե այնտեղ համակարգիչներ լինեն, նրանք այսպես, թե այնպես կսովորեն դրան տիրապետել: Դա ժամանակից շուտ չի կարելի անել»,- ասել է Բորիսովնան:

Պուգաչովան նշել է, որ հարցն այն չէ, որ նա վախենում է համացանցի կործանարար ազդեցությունից:

«Երեխաներս պետք է այժմ սովորեն ոսկե կանոնը՝ մարդկանց հետ շփումը՝ առանց համակարգիչների, գաջեթների. դա շատ կարևոր է: Այդ պատճառով երեկոյան նրանք իրար նամակ են գրում և դրանք փոխանցում միմյանց»,- ասել է պրիմադոննան:

Այս թեմայով Պուգաչովան և Գալկինը տասնյակ միլիոնավոր ռուբլիներ են ծախսում 7-ամյա երկվորյակների կրթության համար Ալլա Պուգաչովայի համերգային տնօրենը մեկնաբանել է Գալկինի հետ նրա ապահարզանի մասին լուրերը Հեռացիր մեզանից համաճարակ. երգում են Ալլա Պուգաչովան և նրա որդին Պուգաչովան պատմել է հանրահայտ լինելու պատճառով չիրականացրած երազանքի մասին Պուգաչովան համերգի ժամանակ փորձել է կրկնել Վոլոչկովայի ուղղահայաց «շպագատը» (տեսանյութ)