Սուրճը կարող է օգտակար լինել շաքարախտի դեմ պայքարում․ գիտնականներ
Սուրճի հատիկների թեփը եւ սերմերի կեղեւը պարունակում են ֆենոլային միացություններ, որոնք օգտակար են ճարպակալման եւ 2-րդ տիպի շաքարախտի դեմ պայքարում, ինչպես պարզել են Իլինոյսկի համալսարանի գիտնականները։
Ինչպես նշվում է MedicalXpress-ի մամուլի հաղորդագրությունում, երբ մկների ճարպային բջիջները մշակել են թեփի էքստրակտով, ֆենոլային միացումները, պրոտոկատեխյան թթուն եւ գալովյան թթուն նվազեցրել են բորբոքային գործընթացները, ինչպես նաեւ բարելավել են ինսուլինի հանդեպ զգայունությունը եւ գլյուկոզայի յուրացումը։ Բացի այդ, այս նյութերը օրգանիզմի համար տոքսիկ չեն եղել։
Ճարպակալման հետ կապված բորբոքման դեպքում բջիջների երկու տեսակ՝ մակրոֆագները եւ ադիպոցիտները, նպաստում են թթվայնացման սթրեսին եւ գլյուկոզայի կլանման խախտմանը, ինչը վատացնում է պացիենտի վիճակը։ Գիտնականները բջիջների երկու տեսակները միասին են աճեցրել, որպեսզի հետեւեն, թե ինչպես են դրանք փոխազդում միմյանց վրա։ Կուլտուրաները մշակել են երկու էքստրակտով եւ հինգ մաքուր ֆենոլային միացություններով։
Պարզվել է, որ պրոտոկատեխյան եւ գալովյան թթուները լիպոլիզի խթանման միջոցով արգելափակում են սպիտակ ճարպի կուտակումը ադիպոցիտներում։ Միաժամանակ ձեւավորում են գորշ ճարպային հյուսվածքի բջիջներ, որոնք արտադրում են ջերմություն՝ այրելով ճարպը։ Ադիպոցիտների աճման ժամանակ մակրոֆագները սկսում են բորբոքային գործոններ արտադրել եւ նվազեցնում են ադիպոցիտների վրա իմունային բջիջների ազդեցությունը։
Վթարային ջրանջատում Երևանի Էրեբունի վարչական շրջանում
65+ տարիքային սահմանափակումը վերացվեց, մեր հազարավոր քաղաքացիներ կկարողանան շարունակել իրենց աշխատան...
Երևանում և Արմավիրի մարզում լցակայանների և ավտոտեխսպասարկման կետի գործունեություն է դադարեցվել
ՀՌՀ-ն և ԵԽ-ն համատեղ աշխատաժողով անցկացրեցին տեսալսողական մեդիածառայություն մատուցողների համար
«Զովետի» ՍՊ-ում հայտնաբերվել է վտանգավոր կաթնամթերք, արտադրությունը կասեցվել է
ՀՀ տարածքում ավտոճանապարհները հիմնականում անցանելի են
ՀՀ ԱԺ ութերորդ գումարման տասնմեկերորդ նստաշրջանի հերթական նիստ
Հայաստանում այսօրվանից մեկնարկել է խորհրդարանական ընտրությունների քարոզարշավը
Համբերատար սպասում եմ, մինչեւ ԵՄ-ն կատարի պատմական առեւտրային համաձայնագրով նախատեսված իր մասը
Տավուշի մարզում անցկացվել են հատուկ տակտիկական ուսումնավարժություններ