Մշակվել է քրոնիկական հոգնածության համախտանիշի հայտնաբերման աշխարհում առաջին թեստը
Ամերիկացի գիտնականներին հաջողվել է մշակել քրոնիկական հոգնածության համախտանիշի հայտնաբերման առաջին բժշկական թեստը: Այս մասին նշված է PNAS ամսագրում հրապարակված հոդվածում:
Սթենֆորդի համալսարանից (ԱՄՆ) Ռոն Դեւիսը նշում է, որ քրոնիկական հոգնածության համախտանիշը բժիշկներն իրենք երբեմն համարում էին մտացածին: Մինչդեռ աշխարհում այս հիվանդությամբ տառապող մարդկանց թիվը շարունակում է անշեղորեն աճել: Համախտանիշը հաճախ արտահայտվում է հետեւյալ ախտանշաններով՝ գլխացավ, մշտական հոգնածություն եւ անքնություն:
Որոշ փորձագետներ կարծում էին, որ համախտանիշը հոգեբանական բնույթի խնդիրների հետեւանք է: Սակայն բժիշկների մի մասը համոզված է, որ հիվանդության արմատները պետք է փնտրել նյարդային համակարգի խափանումների մեջ:
Սթենֆորդի գիտնականները պարզել են, որ քրոնիկական հոգնածության համախտանիշով պացիենտների բջիջները օրգանիզմում որոշակի ազդանշանային մոլեկուլների առկայության պատճառով ավելի վատ են արձագանքում սթրեսի տարբեր աղբյուրներին (ջերմաստիճանի կտրուկ աճ եւ այլն): Հաշվի առնելով, որ առողջ եւ քրոնիկական հոգնածության համախտանիշով մարդկանց իմունային բջիջներն իրենց տարբեր կերպ են պահում՝ մասնագետները թեստ են մշակել, որը թույլ է տալիս ախտորոշել այս հիվանդությունը: Փորձագետները վստահեցնում են, որ իրենց մշակումը գործում է 100 տոկոս ճշգրտությամբ:
Վթարային ջրանջատում Երևանի Էրեբունի վարչական շրջանում
65+ տարիքային սահմանափակումը վերացվեց, մեր հազարավոր քաղաքացիներ կկարողանան շարունակել իրենց աշխատան...
Երևանում և Արմավիրի մարզում լցակայանների և ավտոտեխսպասարկման կետի գործունեություն է դադարեցվել
ՀՌՀ-ն և ԵԽ-ն համատեղ աշխատաժողով անցկացրեցին տեսալսողական մեդիածառայություն մատուցողների համար
«Զովետի» ՍՊ-ում հայտնաբերվել է վտանգավոր կաթնամթերք, արտադրությունը կասեցվել է
ՀՀ տարածքում ավտոճանապարհները հիմնականում անցանելի են
ՀՀ ԱԺ ութերորդ գումարման տասնմեկերորդ նստաշրջանի հերթական նիստ
Հայաստանում այսօրվանից մեկնարկել է խորհրդարանական ընտրությունների քարոզարշավը
Համբերատար սպասում եմ, մինչեւ ԵՄ-ն կատարի պատմական առեւտրային համաձայնագրով նախատեսված իր մասը
Տավուշի մարզում անցկացվել են հատուկ տակտիկական ուսումնավարժություններ