Ճապոնիայի կառավարության կողմից ֆինանսավորվել է 1 մլն ԱՄՆ դոլար արժողությամբ ծրագիր
Ջրային կոմիտեի նախագահ Արամազդ Ղալամքարյանն այսօր Ազատի ջրամբարի տարածքում մասնակցել է ՄԱԶԾ (Միավորված ազգերի կազմակերպության զարգացման ծրագիր) «Հայաստանի ջրամբարների կառավարման կարողությունների բարելավում՝ կլիմայական ռիսկերին դիմակայունության համար» ծրագրի մոնիթորինգային այցին։ Այդ մասին հայտնում են Ջրային կոմիտեից:
Ներկա են եղել նաև ՆԳՆ փրկարար ծառայության տնօրեն - ՀՀ ներքին գործերի նախարարի տեղակալ Արամ Ղազարյանը, ՇՄՆ «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանը, Ճապոնիայի արտակարգ և լիազոր դեսպան պարոն Մասանորի Ֆուկուշիման, ՄԱԶԾ մշտական ներկայացուցիչն ու պաշտոնատար այլ անձինք։
1 մլն ԱՄՆ դոլար արժողությամբ ծրագիրը ֆինանսավորվել է Ճապոնիայի կառավարության կողմից։
Այցի ընթացքում ներկայացվել են ծրագրի հիմնական ուղղություններն ու արդյունքները.
Ծրագրի շրջանակում տեղադրվել են հիդրոլոգիական, օդերևութաբանական և ջրաչափական կայաններ՝ Ապարանի, Ազատի, Մեծավանի ջրամբարներում, ինչպես նաև Աղստևի և Այրումի դիտակետերում։ Ազատի ջրամբարում տեղադրվել են պատվարի անվտանգության ժամանակակից սարքավորումներ։ Ապարանի և Ազատի ջրամբարներում իրականացվել են երկրաֆիզիկական ուսումնասիրություններ, որոնց արդյունքներով արդիականացվել է ջրածածկման գոտում գտնվող համայնքային աղետների ռիսկի կառավարումը։
Տեղադրվել է եղանակի թվային կանխատեսման համակարգ, որն ապահովում է համայնքային մակարդակում եղանակի առավել ճշգրիտ կանխատեսում։
Մշակվել է ջրամբարների կառավարման և պատրաստվածության օրինակելի պլանը, որը նախատեսվում է գործարկել ՀՀ բոլոր խոշոր ջրամբարների համար։ Մշակվել է նաև ջրամբարի պատվարի ռիսկի գնահատման ուսումնական ծրագիրը, որը փոխանցվել է ՆԳՆ կրթահամալիր՝ վերջնականացման և ներդրման համար։
ՄԱԿ-ի «Վաղ նախազգուշացում բոլորի համար» (EW4All) նախաձեռնության շրջանակներում մշակվել և վավերացվել է ՀՀ վաղ նախազգուշացման համակարգերի ճանապարհային քարտեզը։
Ջրային կոմիտեի նախագահ Արամազդ Ղալամքարյանը, շնորհավորելով գործընկերներին, շնորհակալություն է հայտնել այն աջակցության համար, որը ՀՀ կառավարությունը ստացել է Ճապոնիայի կողմից։ Նա նշել է, որ Հայաստանը թե՛ ՄԱԿ-ի զարգացման ծրագրի, թե՛ Ճապոնիայի կառավարության հետ իրականացնում է մի շարք կարևոր և շարունակական ծրագրեր։
ՋԿ նախագահի խոսքով՝ ծրագրերն ունեն առանցքային նշանակություն կլիմայի դիմակայունության բարձրացման, ռիսկերի կառավարման և ենթակառուցվածքների զարգացման, այդ թվում՝ ջրամբարների ոլորտում։
Նա ընդգծել է, որ ջրային ռեսուրսների կառավարման համակարգում առկա մարտահրավերների պայմաններում համագործակցության շարունակականությունն առաջնային է։
Եզրափակելով ելույթը Ղալամքարյանը նշել է, որ ՀՀ կառավարությունը, ի դեմս Ջրային կոմիտեի, նշանակալի ներդրումներ է կատարում ջրամբարների ենթակառուցվածքներն արդիականացնելու համար։
Արհեստների միջազգային 5-րդ փառատոնն այս տարի կանցկացվի Մեղրիում
ԿԳՄՍ-ն ստացել է ուսումնական հաստատություններում քաղաքական գործունեության, քարոզչության կամ հակաքարոզ...
Թանգարանների գիշեր․ մայիսի 16-ին թանգարանները կգործեն անվճար մինչև կեսգիշեր
Անկախ Հայաստանի պատմության մեջ առաջին անգամ բլոկ-մոդուլային ենթակայան է կառուցվում
Առաջիկա օրերին Հայաստան կմատակարարվի իրանական հեղուկ գազ, ինչը կարող է նպաստել գների նվազմանը. Պապոյ...
ՄԻՊ-ը հայտարարում է «Առողջության պահպանման իրավունք» խորագրով մրցույթ
Ուկրաինական AI դրոնները կաթվածահար են անում մատակարարման ուղիները
Սիսիանի համայնքային ոստիկանները հայտնաբերել են 12-ամյա տղային նվաստացրած պատանիներին
ԱՄՆ-ն Չինաստանի օգնության կարիքը չունի Իրանի հարցում. Ռուբիո
Ուկրաինայի հակակոռուպցիոն գերատեսչությունները հայտարարել են կազմակերպված խմբի բացահայտման մասին