Մեր ինքնության մեջ մայրական կերպարը առանձնահատուկ տեղ ունի. նախագահի շնորհավորական ուղերձը
Նախագահ Վահագն Խաչատուրյանը շնորհավորական ուղերձ է հղել Ավետման տոնի՝ Մայրության և գեղեցկության օրվա կապակցությամբ:
«Սիրելի՛ կանայք,
Սիրելի՛ մայրեր,
Ջերմորեն շնորհավորում եմ ձեզ Սուրբ Մարիամ Աստվածածնի Ավետման և Մայրության ու Գեղեցկության տոնի առթիվ։
Այս օրը մեզ հիշեցնում է կյանքի սկզբի, հույսի և պատասխանատվության մասին։ Ավետման խորհուրդը սերունդներին փոխանցել է հավատ՝ ապագայի նկատմամբ, իսկ Սուրբ Մարիամի կերպարը հայ ժողովրդի համար դարձել է մայրական սիրո, հոգատարության և արժանապատվության օրինակ։
Ապրիլի 7-ը նաև առիթ է գնահատելու ձեր ամենօրյա ներդրումը՝ ընտանիքում և հասարակության մեջ։ Ձեր համբերությունը, խնամքը և հետևողականությունը կարևոր դեր ունեն մեր առօրյա և պետական կյանքի կազմակերպման և զարգացման գործում։
Մեր ինքնության մեջ մայրական կերպարը առանձնահատուկ տեղ ունի․ այն կապվում է ոչ միայն ընտանիքի, այլև հայրենիքի, լեզվի ու մշակույթի հետ՝ որպես պահպանման և շարունակության հիմք։
Սիրելի՛ կանայք, մայրեր և քույրեր,
Թող այս տոնը բերի հանգստություն, վստահություն և նոր ուժ։
Մաղթում եմ ձեզ առողջություն, երջանկություն, ընտանեկան ջերմություն և հաջողություններ»,- նշված է ուղերձում։
Քրոջը սպանած տղամարդուն բռնել են զոհի ձեռքերը պայուսակի մեջ քողարկելիս
Ընտանեկան բռնությո՞ւն. Նատալյա Ռոտենբերգը հաղորդում է ներկայացրել ոստիկանություն
Խստորեն դատապարտելի է․ ՄԻՊ-ը՝ Երևանի քաղաքապետարանում տեղի ունեցած միջադեպի մասին
Լուկա Մոդրիչը 200-րդ խաղն անցկացրեց Խորվաթիայի հավաքականի կազմում
«Ըսավ քուգդ բդի էղնի 120». նոր ձայնագրություն ընտրակաշառքի գործով«Ըսավ քուգդ բդի էղնի 120». նոր ձայն...
Կմիավորվի՞ ընդդիմությունը, և արդյո՞ք դա ուշացած չէ
ԱՄՆ Կոնգրեսում տեղի կունենա մամուլի ասուլիս Բաքվում հայ գերիների բանտարկության մասին
Ռեալը չի ցանկանում 70 մլն եվրո վճարել
ՏՏ ոլորտի վարչական ռեգիստրի ictstat.am կայքը տեխնիկական խնդիրներ ունի. այդ ընթացքում հաշվետվություն ...
Հայաստանը կներկայացվի աշխարհի խոշորագույն արևային էներգետիկ ցուցահանդեսում՝ Intersolar Europe 2026-ո...