Շրջայց Վայոց ձորի և Սյունիքի մարզերում իրականացվող մի քանի ծրագրերի շինարարական հրապարակներ
Քաղաքաշինության կոմիտեի նախագահ Եղիազար Վարդանյանը շրջայց է կատարել Վայոց ձորի և Սյունիքի մարզերում կոմիտեի համակարգմամբ իրականացվող մի քանի ծրագրերի շինարարական հրապարակներ։ Շրջայցին մասնակցել են կոմիտեի պատասխանատու ստորաբաժանման, կապալառու, նախագծային և տեխնիկական հսկողություն իրականացնող ընկերությունների ներկայացուցիչներն ու դպրոցների տնօրենները։
Վայոց ձորի մարզում կոմիտեի նախագահը դիտարկել է Շատինի և Գորայքի միջնակարգ դպրոցների նորոգման ծրագրերի ընթացքը։ Նա արձանագրել է, որ շինարարական աշխատանքներն ընթանում են գոհացուցիչ տեմպով, անգամ նախատեսվում է սահմանված ժամկետից շուտ ավարտել ծրագրերը։ Արդեն ավարտվել են տանիքների նորոգման աշխատանքները, իրականացվում է ներքին հարդարում, և եղանակային պայմաններից կախված՝ ընթանում են արտաքին բարեկարգման ու հարդարման աշխատանքներ։
Հաջորդ կանգառը եղել է Չիվայի միջնակարգ դպրոցի շինհրապարակում։ Նախկին կապալառուի հետ պայմանագիրը լուծելուց հետո ներգրավված նոր շինարարը նախագծային փոփոխություններով նախատեսված ուժեղացման աշխատանքներին զուգահեռ իրականացնում է ներքին հարդարման, օդափոխության, ջեռուցման համակարգերի մոնտաժման, արտաքին բարեկարգման աշխատանքներ։ Քաղաքաշինության կոմիտեի նախագահը հստակ ժամանակացույց է սահմանել աշխատանքների ավարտի համար և հանձնարարել ավելացնել շինհրապարակում աշխատողների թիվն ու բոլոր ջանքերը ներդնել ծրագրի բարեհաջող իրագործման համար։
Սյունիքի մարզում կոմիտեի նախագահն այցելել է Դարբասի միջնակարգ դպրոցի շինարարական հրապարակ, որտեղ կատարվում են ներքին հարդարման և տարածքի բարեկարգման աշխատանքներ։
Հաջորդիվ դիտարկել է Նորավանի կրթահամալիրի կառուցման ծրագրի ընթացքը: Այստեղ իրականացվում են տանիքի ծածկի կառուցման աշխատանքներ։
Եղիազար Վարդանյանը կապալառուներին կրկին հիշեցրել է աշխատանքները բարձր որակով և սահմանված ժամկետում իրականացնելու մասին՝ ընդգծելով, որ կոմիտեն շարունակելու է սահմանված պահանջների կատարման նկատմամբ վերահսկողությունը։
Վթարային ջրանջատում Երևանի Էրեբունի վարչական շրջանում
Երևանում և Արմավիրի մարզում լցակայանների և ավտոտեխսպասարկման կետի գործունեություն է դադարեցվել
«Զովետի» ՍՊ-ում հայտնաբերվել է վտանգավոր կաթնամթերք, արտադրությունը կասեցվել է
Հայաստանում այսօրվանից մեկնարկել է խորհրդարանական ընտրությունների քարոզարշավը
Համբերատար սպասում եմ, մինչեւ ԵՄ-ն կատարի պատմական առեւտրային համաձայնագրով նախատեսված իր մասը
Տավուշի մարզում անցկացվել են հատուկ տակտիկական ուսումնավարժություններ
Արհեստների միջազգային 5-րդ փառատոնն այս տարի կանցկացվի Մեղրիում
Ռուսաստանում Հայաստանի դեսպանը կանչվել է ՌԴ ԱԳՆ
Իրանի հրամանատարությունը ԱՄՆ-ին մեղադրել է հրադադարի ռեժիմը խախտելու մեջ
Անդրադարձել են ընտրությունների կազմակերպմանը վերաբերող հարցերի