Հռոմում ցուցադրվել է Կոնստանտին կայսեր հսկա արձանի կրկնօրինակը
Իտալիայի մայրաքաղաք Հռոմի Կապիտոլինյան թանգարանների այգիներում ցուցադրության է հանվել հին հռոմեական կայսր Կոնստանտինի (272-337) հսկա արձանի ճշգրիտ կրկնօրինակը: Իրական չափի «Կոլոսուսը»՝ 13 մ բարձրությամբ, պատրաստված կաուչուկից, գիպսից, պոլիուրեթանից՝ խառնված մարմարի կտորներով և ոսկե փայլաթիթեղով, պատրաստվել է իսկական արձանի մանրամասն ուսումնասիրությունների հիման վրա։
Արձանը տեղադրվել էր Մաքսենցիուսի բազիլիկում, որը կոչվել է իր մրցակից Կոնստանտինի անունով, որը պարտվել էր Միլվիյան կամրջի մոտ:
Այնտեղ, դեռևս 15-րդ դարում, երբ սկսվել էր հնագույն գործերի «որսի» դարաշրջանը, հայտնաբերվել էին դրա բեկորները։
Ընդհանուր առմամբ խոսքը 9 բեկորների մասին է, որոնցից ամենահայտնին ոտքն ու ձեռքն են։ Դրանք բոլորը մշտապես ցուցադրվում են թանգարանի բակերից մեկում: Ինչպես ասել է նախագծի համադրող, գիտական խորհրդատու Կլաուդիո Փարիզի Պրեզիչեն, 19-րդ դարում պարզվել է, որ 1486 թվականին հայտնաբերված մարմարե բեկորները պատկանում են հենց Կոստանդինի, և ոչ Կոմոդուսի արձանին (161-192):
Գիտնականը նաև պարզաբանել է, որ վերջին բեկորը՝ կրծքավանդակի մի մասը, որը հայտնաբերվել էր 1951 թվականին, գտնվել էր Կոլիզեյի հնագիտական պուրակում, բայց շուտով իր տեղը կզբաղեցնի նաև Կապիտոլիումում։ «Ոչ ոք դեռ չի ուսումնասիրել այս բոլոր տարրերը միասին, և դա կարող է նոր և անսպասելի մանրամասներ բացահայտել ուշ հռոմեական քանդակագործության մասին», - ասել է նա:
Ինչպես պարզաբանում է ANSA-ն, այս կրկնօրինակն առաջին անգամ ներկայացվել էր 2022 թվականին Միլանում՝ «Վերամշակող գեղեցկություն» ցուցահանդեսում՝ որպես մայրաքաղաքի Հնագույն հուշարձանների պահպանության գրասենյակի, Prada հիմնադրամի և ժամանակակից տեխնոլոգիական Factum Foundation ընկերության համատեղ նախագծի մի մաս։ 3D տեխնոլոգիայի կիրառմամբ ստեղծված արձանը վերարտադրվել է հնագիտական նկարագրությունների և վերլուծությունների, ինչպես նաև հնագույն գրական աղբյուրների ուսումնասիրության հիման վրա։
Կոնստանտինի արձանը կմնա Կապիտոլինյան թանգարաններում հաջորդ տարվա ընթացքում, երբ Հռոմը նշելու է քրիստոնեության հոբելյանական տարին։ 312 թվականին Միլանի հրամանագրով Կոնստանտինն այն իր կարգավիճակով հավասարեցրեց պաշտոնական պաշտամունքի։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները