Մարդուն բերման են ենթարկում, մեքենայում ծեծում են, երբ նա չի էլ դիմադրում, դրա դեմ ինչ-որ բան կա՞. Գեղամ Նազարյան
Գրված է, որ Հակակոռուպցիոն կոմիտեի աշխատակիցները կարող են զենք եւ տարբեր ֆիզիկական հնարքներ կիրառել, բայց գրված չէ՝ ում նկատմամբ: Այս մասին այսօր՝ նոյեմբերի 7-ին, ԱԺ պետաիրավական հարցերի հանձնաժողովի նիստում ասաց «Հայաստան» խմբակցության պատգամավոր Գեղամ Նազարյանը՝ «Հակակոռուպցիոն կոմիտեի մասին» օրենքում փոփոխություններ եւ լրացումներ կատարելու մասին օրենքի նախագծի քննարկման ժամանակ:
«Մի քանի ամիս առաջ պարեկներից մեկն էր զենք կիրառել եւ մինչեւ հիմա չպարզվեց՝ ինքն իրավունք ունե՞ր այդ դեպքում զենքը կիրառել, թե ոչ: Ես ուզում եմ այս հարցին եւս մեկ անգամ անդրադառնանք, թե զենք եւ ֆիզիկական միջոցներ ո՞ւմ նկատմամբ կարելի է կիրառել, որովհետեւ ունենք դեպքեր, երբ ինչ-որ անձին բերման են ենթարկում, եւ ավտոմեքենայում ծեծի են ենթարկում: Հիմա իրավապահ մարմնի ներկայացուցիչն իրավունք ունի՞ բերման ենթարկվածին, որը դիմադրության փորձ էլ չի անում, հարվածներ հասցնել, գուցե մանկության հետ կապված ինչ-որ խնդիրներ ունենալու պատճառով: Դրա դեմ ինչ-որ բան կա՞:
Ո՞նց անենք, որ այն մարդը, որ կոչված է օրենքը պահպանելու, այդ օրենքի քողի տակ չսկսի անօրինական ֆիզիկական ուժ կիրառել, եւ այդ պահին իշխանության գտնվողն ուժը ստիպված է լինում նրանց արած մեղմ ասած, հիմարությունները լղոզել, սվաղել»,-ասաց նա:
Ի պատասխան արդարադատության փոխնախարար Արամ Մկրտչյանն ասաց. «Յուրաքանչյուր մասնավոր դեպքում զենքը կան ֆիզիկական ուժը կիրառվել է օրենքին համապատասխան, թե ոչ, այդ պատասխանը կարող է տալ միայն վարույթ իրականացնող մարմինը: Ես գնահատական չեմ կարող տալ, բայց կարող եմ հստակ նշել, որ որեւէ դեպքում քաղաքացուն ծեծի ենթարկելու որեւէ իրապահ մարմնի ներկայացուցիչ իրավունք չունի: Ֆիզիկական ուժ եւ հատուկ հնարք կիրառելը մի բան է, ծեծի ենթարկելը՝ այլ բան»:
Հանձնաժողովի նախագահ Վլադիմիր Վարդանյանն էլ հավելեց. «Ծեծը քրեորեն պատժելի արարք է՝ անկախ այդ մարդու զբաղեցրած դիրքից ու պաշտոնից: Նույնը վերաբերում է նաեւ այն անձանց, որոնք դիմադրություն են ցույց տալիս եւ ծեծի են ենթարկում իրավապահ մարմնի ներկայացուցիչներին»:
Երրորդ համաշխարհային պատերազմը սկսվեց. Զալուժնի
Արգիշտի Քյարամյանը՝ ՊՎԾ պետ. Նիկոլ Փաշինյանը որոշում ունի
Կրակոց՝ նաև ՆԳ նախարարի հրաժարականից հետո
Անդրեասյանը գիշերը հաղորդագրություններ է ուղարկել մի շարք դատավորների
Սա տգիտությունից բացի նաև ստորություն է. Լեւոն Քոչարյանը՝ Փաշինյանի աղմկահարուց հայտարարության մասին
Ուկրաինան առաջին անգամ ՌԴ տարածքին հարվածել է ATACMS բալիստիկ հրթիռներով
Բա ես ու իմ կարգավիճակի մարդիկ ի՞նչ անեն․ Սոֆյա Հովսեփյան
Գեներալ Կարակաևը Պուտինի հետ խորհրդակցությունում. ռուսական «Орешник»-ն ի վիճակի է թիրախներ խոցել ամբ...
Պաշտոնանկության երկրորդ ալիքն էլ է լինելու. հաջորդը ովքե՞ր են SMS ստանալու
Ազգերի լիգա. հայտնի է Հայաստանի հավաքականի մրցակիցների վերջնական ցանկը