Բենզինի գնի բարձրացումը բացասական ազդեցություն կունենա Հայաստանի տնտեսության վրա. փորձագետ
Հայաստանում բենզինի գնի բարձրացումը պայմանավորված է արտաքին գործոնններով, այն երկրների իրավիճակով, որտեղից այն ներմուծվում է։ Այս մասին NEWS.am-ի թղթակցի հետ զրույցում ասել է տնտեսագիտության դոկտոր Կարեն Ադոնցը։
Նա հիշեցրել է, որ այդ ապրանքը լրիվ ներմուծվում է (հիմնականում Ռուսաստանից)։ Նրա խոսքով՝ ներքին պահանջարկի ազդեցության գործոնը գրեթե բացակայում է։
«Ներքին շուկան Հայաստանում հիմնականում ազատ է, եւ գնի փոփոխությունը պայմանավորված է այն երկրների գներով, որտեղից վառելիքը ներմուծվում է»,- ավելացրել է Ադոնցը։
Նա նշել է, որ բենզինի թանկացումը բացասական ազդեցություն կունենա տնտեսության վրա, քանի որ կբարձրացնի տնտեսվարող սուբյեկտների եւ տնային տնտեսությունների ծախսերը։
«Դա կհանգեցնի բազային ապրանքների գների աճի, կհանգեցնի ընդհանուր գնաճի եւ կանդրադառնա քաղաքացիների բարեկեցության վրա»,- ընդգծել է փորձագետը։
Նշենք, որ բենզինի գնի տեսանելի աճը Հայաստանում սկսվել է այս տարվա հունիսին։ Պաշտոնական տվյալներով՝ մայիսի համեմատ աճը կազմել է ավելի քան 10 տոկոս։ Հուլիսին բենզինը թանկացել է եւս 11 տոկոսով, բայց արդեն հունիսի համեմատ։ Սեպտեմբերին աճի տեմպը դանդաղել է՝ կազմելով 5,8 տոկոս օգոստոսի համեմատ։ Բայց եթե համեմատենք այդ ցուցանիշները 2022թ. դեկտեմբերի ցուցանիշների հետ, ապա կստացվի, որ բենզինի գինը բարձրացել է 18 տոկոսով։
Իրականում իրավիճակն ավելի վատ է. բենզինը թանկացել է մոտ 50 տոկոսով։
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Երևանում մի քանի փողոցներում կփոխվի երթևեկության կազմակերպումը
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...