Իմ տեղեկություններով՝ Եվլախի հանդիպումը մեկ ֆորմատով նախատեսված չէ, մի քանի հարթություններով է ընթանալու․ Տիգրան Աբրահամյան
Այն մարդիկ, ովքեր այս ընթացքում կարծում էին, որ Արցախում տեղի ունեցողը բացառապես Արցախին ու արցախցիներին վերաբերող հարց է, առաջիկայում իրենց մաշկի վրա զգալու են ադրբեջանական ագրեսիայի, սադրանքների ողջ էությունը։
Այս մասին Եռաբլուր զինվորական պանթեոնում լրագրողների հետ զրույցում ասաց ԱԺ «Պատիվ ունեմ» խմբակցության քարտուղար Տիգրան Աբրահամյանը։
«Պատահական չէ, որ հենց այս օրերին, երբ Ադրբեջանը ագրեսիա սկսեց Արցախի Հանրապետության դեմ, Թուրքիան և Ադրբեջանը ակտիվացրեցին այսպես կոչված «Զանգեզուրի միջանցքի» հարցերը՝ պնդելով, որ ամեն գնով հասնելու են դրան։ Ադրբեջանը պատրաստ է ցանկացած պահի պատերազմը տեղափոխել նաև ՀՀ-ի տարածք»,- ասաց պատգամավորը։
Անդրադառնալով Եվլախում տեղի ունեցող հանդիպմանը՝ Աբրահամյանն ասաց, որ Ադրբեջանը օպերացիան այնպես է նախատեսել, որ ամեն ինչ մինչև սեպտեմբերի 21-ը ավարտված լինի և բանակցությունները տեղի ունենան հենց սեպտեմբերի 21-ին։
«Ադրբեջանը փորձում է ոչնչացնել բոլոր այն խորհրդանիշները, որոնք ՀՀ-ի ու Արցախի համար բնութագրել են ազատություն և անվտանգություն։ Որքանով ես եմ տեղյակ, այդ բանակցությունները մի քանի հարթություններով են տեղի ունենալու, որովհետև ստեղծված իրավիճակում մի կողմից թվում է, թե ամեն ինչ ակնհայտ է, բայց դետալային առումով խնդիր կա ճշտելու, թե ինչ է տեղի ունեալու։
Սկսենք այն հանգամանքից, որ այսօր էլ մարտադաշտում մեծ թվով մեր հերոսների մարմիններն են, և դրանք մինչ օրս դուրս չեն բերվել։ Այդ հանդիպումները իրենցից ենթադրում են հումանիտար բնույթի խնդիրներից մինչև, հերոսների մարմինները մարտադաշտից դուրս բերելու, Արցախի ապագայի հետ կապված խնդիրներ։ Ինձ համար դեռ հստակ չէ, թե ինչ հստակ ճանապարհ է ընտրվելու։ Խնդիրն այստեղ այն չէ, թե ինչ է մտածում Արցախի իշխանությունը, կարևոր է հասկանալ, թե ինչ է առհասարակ մտածում Արցախում ապրող մարդը, ով 44-օրյա պատերազմից հետո մտածում էր, թե պատերազմի այս փուլը ավարտվել է, այնտեղ տեղակայվել են ռուս խաղաղապխահներ և իրենց անվտանգության հացը գոնե նվազագույն առումով լուծված է, բայց ժամանակը ցույց տվեց, որ ռուսական կոնտինգենտի ներկայությունը չզսպեց Ադրբեջանին՝ ռազմական գործողություններ իրականացնելու։ Ժամանակը ցույց տվեց, որ ՀՀ իշխանությունները, այն ինչ հայտարարում էին, նաև առարկայական առումով իրացնելու են, այսինքն Արցախում տեղի ունեցողը բացառապես դիտարկելու են որպես Ադրբեջանի ներքին հարց»,- նշեց Աբրահամյանը։
Վերջինիս խոսքով՝ անընդհատ բարձրացվում է միջազգային իրավունքի հետ կապված հարցեր, բայցայդ իրավունքը ակնհայտորեն չի գործել ստեղծված իրավիճակում։
«Իմ տեղեկություններով Եվլախի հանդիպումը մեկ ֆորմատով նախատեսված չէ ու դժվար է ասել, թե որ կողմը ինչ մասով է տանելու բանակցությունը։ Դրված է ոչ միայն ՊԲ-ի, այլ նաև պետական ինստիտուտների կազմալուծման հարցը։ Այստեղ հարց է առաջանում՝ ինչպես է Արցախում իրականացվելու կառավարում ու այս իրավիճակում պետք է հասկանալ, թե ով ինչ ֆունկցիա է ստանձնելու, պայմանական ռուս խաղաղապահները ունենալո՞ւ են ֆունկցիաներ, թե դուրս են գալու»,- ընդգծեց Տիգրան Աբրահամյանը։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Մարմնամարզության տղամարդկանց հավաքականը տուն է վերադառնում
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...