«Հայաստանն իմ հայրենիքն է». քրեական հեղինակություն համարվող Մերաբ Կալաշովը ազատազրկվեց 2 տարով
Երեւանի Կենտրոն եւ Նորք-Մարաշ վարչական շրջանների դատարանը՝ դատավոր Արմեն Բեկթաշյանի նախագահությամբ, հոկտեմբերի 3-ին քրեական աշխարհում հայտնի, ազգությամբ եզդի Մերաբ Կալաշովին մեղավոր է ճանաչել ՀՀ քրեական օրենսգրքի 329-րդ հոդվածի առաջին մասով՝ Պետական սահմանն ապօրինի հատելը, եւ դատապարտել երկու տարվա ազատազրկման:
Ըստ մեղադրանքի՝ 42-ամյա Մերաբ Կալաշովը 2015 թվականի հուլիսի 16-ից Ֆրանսիայի Հանրապետության իրավապահ մարմինների կողմից միջազգային հետախուզման մեջ գտնվելով, քննությամբ չպարզված հանգամանքներում եւ ժամանակահատվածում առանց պատշաճ թույլտվության ապօրինի հատել է ՀՀ պահպանվող սահմանը, որից հետո 2016 թվականի հոկտեմբերի 28-ին ՀՀ ոստիկանության քրեական հետախուզության գլխավոր վարչության աշխատակիցների կողմից հայտնաբերվել է Երեւանի Գրիգոր Լուսավորիչ փողոցի շենքերից մեկի մոտ ու բերման է ենթարկվել:
Կալաշովին մեղադրանք է առաջադրվել ՀՀ պետական պահպանվող սահմանը ապօրինի հատելու համար՝ ՀՀ քրեական օրենսգրքի 329 հոդվածի 1-ին մասով:
Մերաբ Կալաշովը կալանքի տակ է առնվել 2016 թվականի նոյեմբերի 25-ից:
Նշենք, որ Կալաշովը նախկինում 4 անգամ դատապարտվել է Ռուսաստանում, որտեղ նրա դատվածությունները մարված չեն:
Դատական նիստի ժամանակ Մերաբ Կալաշովը հայտարարել է, թե չի ցանկանում ցուցմունք տալ ու պատասխանել որեւէ հարցի, սակայն նշել է, որ սահմանը չի խախտել, դա զրպարտություն է. «Ես Հայաստանը միշտ համարել եմ իմ հայրենիքը ու եկել եմ իմ հայրենիք: Այստեղ ոչինչ չեմ արել: Ես ինձ մեղավոր չեմ համարում»:
Կալաշովի փաստաբան Արմեն Մելքոնյանը հայտարարել է, թե համակարծիք չէ դատախազի ասածներին: Ըստ նրա, վարույթն իրականացրած մարմինը չի հիմնավորել Կալաշովին առաջադրված մեղադրանքը՝ ե՞րբ է Կալաշովը հատել ՀՀ սահմանը, որտե՞ղ է հատել, ո՞ր թվականին՝ ոչ մի տվյալ չկա: Պաշտպանը միջնորդել է իր պաշտպանյալին ճանաչել անմեղ ու արդարացնել՝ անհապաղ ազատ արձակելով դատարանի դահլիճում:
Մերաբ Կալաշովը դատարանում չցանկացավ պաշտպանական ճառ կամ վերջին խոսք ասել: Մերաբ Կալաշովը դատավճռի հրապարակումից հետո ոչինչ չասաց, բայց նկատելիորեն անտրամադիր էր:
Նշենք, որ Կալաշովին մեղսագրվող արարքի համար քրեական օրենսգիրքն առավելագույն պատիժ է սահմանում է 3 տարի ազատազրկումը:
Մենք միանգամայն արժանիորեն դուրս եկանք հաջորդ փուլ
Ուրումչիի մշակութային ուղին. Գրանդ բազար
Երևանը կդառնա ժամանակակից երաժշտության և արվեստի միջազգային կենտրոն
«Երևանի «Արարատ» կոնյակի-գինու-օղու կոմբինատ»-ը հանձնվել է ՀՀ կառավարմանն ու պահպանմանը. Գլխավոր դատ...
Հայաստանի համար Էբոլա հիվանդության ներմուծման և հետագա տարածման ռիսկը գնահատվում է ցածր
Գանսուի թռչող ձին. չինական նահանգի հնագույն ժառանգություն
Կարլոս Էսպին պայմանագիր է կնքել «Ռեալ Մադրիդի» հետ
ԿԳՄՍՆ-ն՝ ի գիտություն «Սևանի շուրջը» սիրողական հեծանվային արշավին մասնակցությամբ հետաքրքրվողների
Մյունխենի կենտրոնում կառուցվել է փայտից պատրաստված հնգահարկ մանկապարտեզ
Wildberries-ի կողմից տրամադրված փոխհատուցումների ընդհանուր ծավալը կազմում է մի քանի միլիարդ ռուբլի