Արարատի մարզի դպրոցներում կրճատել են դասղեկության համար տրվող գումարները

Արարատի մարզի դպրոցներից մեկի ուսուցիչները տեղեկացրել են, որ իրենց տրվող դասղեկության գումարները այսուհետև մինչև 10.000 դրամով կրճատվելու են: Ըստ դպրոցի տնօրենի` պատճառը դպրոցներին տրվող բյուջեների կրճատումն է:

Ուսուցիչների պնդմամբ` հիմա իրենք դասղեկության համար այսուհետ ստանալու են իրենց աշխատավարձի 10 տոսկոսը, մինչդեռ նախկինում գումարներն ավելի էին կազմում, օրինակ` եթե ուսուցիչը ստանում էր 100000 դրամ, այսուհետ դասղեկության համար ստանալու է 10000 դրամ:

Նշենք, որ ուսուցիչները քննարկում են նաև Կառավարության շենքի մոտ բողոքի ակցիա անելու որոշումը:

Հատկանշական է այն փաստը, որ նույն իրավիճակը տիրում է նաև Արարատի մյուս դպրոցներում ևս:

Արարատի մարզպետարանի Կրթության, մշակույթի և սպորտի վարչության պետ Խաժակ Աղաբեկյանն իր խոսքում նշել է, որ դասղեկության գումարը հավելավճար է, և տնօրենն է որոշում, թե ինչքան գումար տա ուսուցիչներին դասղեկության համար:

asekose.am