Դատարանի նախագահը «դեբոշ» է սարքել. «Դու ինչ գործ ունես այստեղ, վե կաց գնա»
«Հրապարակ» թերթը գրում է. «Մեր տեղեկություններով՝ վերջերս կոնֆլիկտ է եղել ՀՀ դատական դեպարտամենտի ղեկավար Կարեն Փոլադյանի եւ ՍԴ անդամ Կիմ Բալայանի որդու՝ Շենգավիթ վարչական շրջանի ընդհանուր իրավասության դատարանի նախագահ Դավիթ Բալայանի միջեւ։
Բանն այն է, որ Փոլադյանը Շենգավիթի դատարանում աշխատակազմի ղեկավար է նշանակել իր մարդուն, իսկ Դավիթ Բալայանը ցանկացել է այդ պաշտոնում տեսնել այլ անձի։ Եվ, ահա, Փոլադյանի կադրին տեսնելով դատարանում՝ դատարանի նախագահը «դեբոշ» է սարքել, թե դու ի՞նչ գործ ունես այստեղ, սա քո սենյակը չէ, վեր կաց գնա եւ այլն։ Սակայն Փոլադյանին հաջողվել է իր մարդուն պահել այդտեղ, այդ ընթացքում նրանք մի քանի անգամ կոնֆլիկտ են ունեցել, անգամ, ասում են՝ Դավիթ Բալայանը դռան կողպեքն է փոխել, որ չկարողանա ներս մտնել։
Այս միջադեպը մեծ աղմուկ է առաջացրել, այդ օրերին դատարան մտնող-դուրս եկողներն ականատես են եղել այս վեճերին։ Հանուն արդարության պետք է ասել, որ դատարանի աշխատակազմը Դատական դեպարտամենտի առանձնացված ստորաբաժանումն է, որտեղ նշանակումներ անում է դեպարտամենտի ղեկավարը։
Մեզ հասած տեղեկությունները փորձեցինք ճշտել դեպարտամենտի հասարակայնության հետ կապերի եւ արարողակարգի վարչության պետ Արման Խաչատրյանից։ Նա նշեց, որ Արմինե Ալիխանյանը 2017թ․ հունիսին նշանակվել է Շենգավիթ վարչական շրջանի ընդհանուր իրավասության դատարանի աշխատակազմի ղեկավար՝ ազատվելով Տավուշի դատարանի աշխատակազմի ղեկավարի պաշտոնից։ Խաչատրյանը նշեց, որ դատարանի աշխատակազմը բնականոն աշխատում է, եւ որեւէ կոնֆլիկտ դեպարտամենտի ղեկավարի եւ դատարանի նախագահի միջեւ չի եղել»:
Մանրամասները՝ թերթի այսօրվա համարում
Մենք միանգամայն արժանիորեն դուրս եկանք հաջորդ փուլ
Ուրումչիի մշակութային ուղին. Գրանդ բազար
Հայաստանի համար Էբոլա հիվանդության ներմուծման և հետագա տարածման ռիսկը գնահատվում է ցածր
BP-ն վաճառում է Հյուսիսային ծովում իր բիզնեսը և դուրս գալիս տարածաշրջանից
Երևանը կդառնա ժամանակակից երաժշտության և արվեստի միջազգային կենտրոն
Մյունխենի կենտրոնում կառուցվել է փայտից պատրաստված հնգահարկ մանկապարտեզ
Կարլոս Էսպին պայմանագիր է կնքել «Ռեալ Մադրիդի» հետ
«Երևանի «Արարատ» կոնյակի-գինու-օղու կոմբինատ»-ը հանձնվել է ՀՀ կառավարմանն ու պահպանմանը. Գլխավոր դատ...
ԿԳՄՍՆ-ն՝ ի գիտություն «Սևանի շուրջը» սիրողական հեծանվային արշավին մասնակցությամբ հետաքրքրվողների
Գանսուի թռչող ձին. չինական նահանգի հնագույն ժառանգություն